News
Լրահոս
News
Ուրբաթ
Դեկտեմբեր 04
USD
510
EUR
617.61
RUB
6.79
ME-USD
0.01
Տեսնել լրահոսը

Մեկնարկել է կրթաթոշակների տրամադրման նոր մրցույթ՝ նախատեսված Հայաստանը, Ադրբեջանը, Բելառուսը, Վրաստանը, Մոլդովայի Հանրապետությունը եւ Ուկրաինան ներկայացնող 16-17 տարեկան այն ուսանողների համար, ովքեր ցանկանում են խորացնել Եվրոպայի եւ Եվրոպական միության վերաբերյալ իրենց գիտելիքները: Հայտերը կարող են ներկայացվել մինչեւ 2020 թվականի մարտի 14-ը:

Կրթաթոշակային ծրագիրը ֆինանսավորվում է ԵՄ-ի կողմից, որը վեց երկրներից լավագույն առաջադիմություն ունեցող 35 ուսանողի կաջակցի ձեռք բերել եվրոպական ուսումնասիրությունների ուղղվածությամբ բարձրակարգ, միջազգայնորեն ճանաչված միջազգային բակալավրիատի (IB) դիպլոմ: Արեւելյան գործընկերության եվրոպական դպրոցի ծրագիրն իրականացնում է Վրաստանի մայրաքաղաք Թբիլիսիում տեղակայված «Նոր դպրոցի» կողմից եւ ներառում է երկամյա ուսումնական ծրագիր, որը կմեկնարկի 2020-2021 ուսումնական տարվանից:

Այս եզակի դիպլոմային ծրագիրը միջազգային բակալավրիատի գիտական գերազանցության չափորոշիչները մեկտեղում է եվրոպական դպրոցների համակարգով ոգեշնչված մասնագիտացված դասավանդման հետ: Ընտրված ուսանողները ներկա կգտնվեն բազմալեզու եւ բազմամշակութային միջավայրում անցկացվող դասընթացների՝ Եվրոպայի ու Եվրոպական միության մասին իրենց պատկերացումներն ընդլայնելու եւ եվրոպական լեզուների, գրականության ու պատմության վերաբերյալ իրենց գիտելիքները խորացնելու նպատակով: Ուսանողները մուտք կունենան հարուստ արտադպրոցական ծրագրի նկատմամբ, ինչպես նաեւ հնարավորություն կստանան մասնակցելու Եվրոպական միությանն առնչվող հիմնահարցերի վերաբերյալ բարձր մակարդակի գիտաժողովներին: Ավարտելուն պես, ուսանողները կստանան Եվրոպական ուսումնասիրությունների միջազգային բակալավրի դիպլոմ:

Արեւելյան գործընկերության եվրոպական դպրոցը ձեւավորվել է ԵՄ-ի ու նրա գործընկեր երկրների կողմից Հայաստանում, Ադրբեջանում, Բելառուսում, Վրաստանում, Մոլդովայի Հանրապետությունում եւ Ուկրաինայում երիտասարդների համար կրթական հնարավորությունների ու միջտարածաշրջանային փոխանակումների ամրապնդմանն ուղղված ջանքերի շրջանակում:

Հետաքրքրված ուսանողներն իրենց հայտերը պետք է ներկայացնեն մինչեւ 2020 թվականի մարտի 14-ը, ժամը՝ 12-00-ն (ՀԿԺ +4:00 ժամային գոտիով՝ կեսօրին)՝ www.eapeuropeanschool.eu  կայքէջի միջոցով: Ընտրության գործընթացը կներառի գրավոր տեստեր եւ հարցազրույցներ՝ նախընտրական փուլն անցած թեկնածուների հետ: 2020-2021 ուսումնական տարվա կրթաթոշակառուների ցանկը կհրապարակվի 2020 թվականի մայիսի երկրորդ կեսին:

Հարցերի դեպքում խնդրում ենք գրել [email protected] էլեկտրոնային հասցեին կամ զանգահարել + 995 32 225 70 06 հեռախոսահամարով (ֆիքսված):

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եվրահանձնաժողովն առաջարկել է պատժել եվրոպական ժողովրդավարությանը միջամտության համար
«Գործողությունների ծրագիրն առաջարկում է կատարելագործել արտաքին միջամտությանը հակազդելու ԵՄ ներկայիս գործիքները...
Հույն պատգամավորը ԵՄ կողմից թույլ պատժամիջոցներ է ակնկալում Թուրքիայի դեմ
Չնայած Եվրամիության որոշ անդամներ պնդում են խստացնել պատժամիջոցները Թուրքիայի դեմ, մյուսները դեմ են ցանկացած պատժամիջոցների Եվրամիության թեկնածու երկրի դեմ...
ԵՀ-ն մշակել է Բայդենի օրոք ԱՄՆ-ի հետ հարաբերությունների վերագործարկման ռազմավարություն
Եվրահանձնաժողովը եւ ԵՄ արտաքին քաղաքականության ծառայությունը ներկայացրել են նոր անդրատլանտյան ռազմավարության վերաբերյալ առաջարկ․․․
Եվրախորհրդարանի պատգամավորը խաղադրույքներ է կատարում թուրքական ընդդիմության վրա
ԵՄ-ն պետք է հստակ ազդանշան ուղարկի Էրդողանին, որ նրա ագրեսիվ պահվածքն այլեւս չի կարելի հանդուրժել․․․
ԵՄ-ն եւ ASEAN-ը պայմանավորվել են ռազմավարական գործընկերության մասին
«Որպես մտերիմ տնտեսական գործընկերներ՝ մենք հանդես կգանք հօգուտ անվտանգ եւ բաց առեւտրային ուղիների, ինչպես նաեւ ազատ եւ արդար առեւտրի: Միասին մենք ավելի քան մեկ միլիարդ ենք եւ կազմում ենք համաշխարհային տնտեսական հզորության գրեթե 25 տոկոսը...
ԵՄ-ն ու Թուրքիան հարաբերությունների բարելավման բավականաչափ առաջընթացի չեն հասել․ Մերկել
Միջերկրական ծովի արեւելյան հատվածում Թուրքիայի գործունեությունը լուրջ խոչընդոտ է ԵՄ-ի հետ երկկողմ հարաբերությունների բարելավման ճանապարհին․․․
Ամենաշատ