Amazon-ի ղեկավար Ջեֆ Բեզոսը 13,2 մլրդ դոլարով ավելի հարուստ է դարձել ընդամենը 15 րոպեում, գրում է ՌԻԱ «Նովոստի»-ն՝ հղում կատարելով Bloomberg-ին։

Պատճառը Amazon-ի բաժնետոմսերի 12 տոկոսով (2,1 հազար դոլարով) կտրուկ թռիչքն էր պոստմարքեթում հունվարի 30-ին։ Ինչպես գրում է լրատվամիջոցը, գնանշումների աճը բացատրվում է ընկերության հաջող եռամսյակային հաշվետվությամբ, որը «ջարդուփշուր արեց» վերլուծաբանների կանխատեսումները։ Այսպես, համաձայն Amazon-ի հաշվետվության՝ ընկերության շահույթը կազմել է 87,4 մլրդ դոլար, արժեթղթերի շահույթը՝ 6,47 դոլար, այն դեպքում, երբ փորձագետները կանխատեսում էին 4,11 դոլար։

Նշվում է, որ այժմ Բեզոսի կարողությունը, որին պատկանում է Amazon-ի 12 տոկոսը, ավելացել է 129,5 մլրդ դոլարով։ Ընդ որում՝ Bloomberg Billionaires Index-ի վարկանիշում այդ փոփոխությունները կերեւան ուրբաթ սակարկությունների ավարտից հետո։

Ավելի վաղ տեղեկացվել էր, որ Ջեֆ Բեզոսը նորից գլխավորել է աշխարհի ամենահարուստ մարցկանց ցուցակը Forbes-ի վարկածով։ Այդ պահին նա 115,5 մլրդ դոլար ցուցանիշով առաջ էր անցել Louis Vuitton Moеt Hennessy-ի նախագահ Բեռնար Առնոյից, որի կարողությունը գնահատվում է 112,9 մլրդ դոլար։