News
Լրահոս
News
Ուրբաթ
Ապրիլ 10
USD
493.1
EUR
536.59
RUB
6.66
ME-USD
0.04
Տեսնել լրահոսը

Հայ սպա Գուրգեն Մարգարյանի գործը գտնվում է եզրափակիչ փուլում Մարդու իրավունքների եվրոպական դատարանում: Այս մասին NEWS.am-ի հետ զրույցում ասաց իրավաբան Սիրանուշ Սահակյանը: Ըստ նրա, կանխատեսվում է, որ մարտին կհրապարակվի վճիռը: ՄԻԵԴ-ում գործն ընդդեմ Հունգարիայի և Ադրբեջանի է:

«Ավարտվել է հաղորդակցությունների գրավոր փուլը, դատարանը խորհրդակցական սենյակում է: Հուսով ենք՝ շուտով կստանանք որոշումը»,- նշեց Սահակյանը: Նրա խոսքով՝ փաստաբանական խումբն իր բողոքում ներկայացրել է մի շարք կարեւոր պահեր: Մասնավորապես, նշվել է, որ Գուրգեն Մարգարյանի՝ կյանքի իրավունքի խախտման հետ մեկտեղ հանցագործին ներում շնորհելը եւ երաշխավորման ադեկվատ արդարացումները խախտել են արդյունավետ հետաքննության իրավունքը, քանի որ այն ենթադրում է ոչ միայն հանցանքի բացահայտում, այլ նաեւ պատիժ եւ պատժի անխուսափելիության սկզբունքի պահպանում, ինչը, փաստաբանների պնդմամբ, տեղի չի ունեցել: «Եվ երկրորդը՝ ազգային անհանդուրժողականության հիմքով հանցանքի փաստը: Գուրգեն Մարգարյանի սպանությունը հիմնված էր բացառապես այդ հիմքի վրա: Եթե նա հայ չլիներ, չէր սպանվի, եւ հանցագործին ներում չէր շնորհվի: Այդ պատճառով հուսով ենք, որ ՄԻԵԴ-ը կհաստատի 14-րդ հոդվածի (խտրականության արգելում) խախտումը եւ կֆիքսի հանցանքի փաստը՝ պայմանավորված ազգային պատկանելությամբ: Հուսով ենք, որ կշահենք գործը, եւ հասարակությունը կտեսնի մեր աշխատանքի արդյունքները: Հաջողության դեպքում դա հավելյալ գործիք կդառնա բանակցություններում քաղաքական գործիչների ձեռքում»,- հավելեց Սահակյանը՝ նշելով, որ միջազգային դատական ատյանի որոշումը, որում նշվում է էթնիկական ծագման հատկանիշով խտրականությունը, չափազանց լուրջ նշանակություն ունի:

Պատասխանելով հարցին, թե կարելի՞ է արդյոք խոսել զարգացող միտման մասին՝ Մանվել Սարիբեկյանի մահվան գործի հարցով ՄԻԵԴ որոշման համատեքստում, Սիրանուշ Սահակյանն ընդհանուր առմամբ համաձայնեց, սակայն նշեց, որ Սարիբեկյանի գործով դատարանը չի գտել 14-րդ հոդվածով խախտումներ՝ միայն 2-րդ (կյանքի իրավունք), 3-րդ (խոշտանգումների արգելք), 13-րդ (իրավական պաշտպանության արդյունավետ միջոցի իրավունք) հոդվածներով:

«Եթե Գուրգեն Մարգարյանի եւ մի քանի այլ գործերով հաջողության հասնենք, մենք ցույց կտանք ոչ թե առանձին դրվագներ, այլ հետեւողական հակահայկական քաղաքականություն»,- ընդգծեց Սահակյանը՝ չբացառելով, որ Սարիբեկյանի գործով փաստաբանները կարող են Մեծ պալատում բողոքարկել որոշումը՝ նշելով 14-րդ հոդվածի խախտումը: «Կարծում եմ՝ դա ճիշտ ճանապարհ կլինի»,- եզրափակեց Սարիբեկյանը:  

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վաղեմության ժամկետ չունեցող հանցագործություն. Գուրգեն Մարգարյանի գազանաբարո սպանության տարելիցը
Հունգարիայի իշխանությունները մարդասպանին դատապարտել էին ցմահ ազատազրկման՝ 30 տարի առանց ներման իրավունքի…
Փաստաբան. Հունգարիայի կողմից Ռամիլ Սաֆարովին Ադրբեջանին հանձնելն իրականացվել է միջազգային նորմերի խախտմամբ
Այսօր լրանում է Գուրգեն Մարգարյանի սպանության 15 տարին...
Իլհամ Ալիեւը հայերի նկատմամբ ատելությունը պետական քաղաքականության մաս է դարձրել. փորձագետ
Նա հիշեցրեց, որ մինչեւ Իլհամ Ալիեւի իշխանության գալը Հայաստանի եւ Ադրբեջանի միջեւ քաղաքացիական հասարակության մակարդակով կային ինչ-որ շփումներ...
Հանցագործությունը կազմակերպել էին Ադրբեջանի իշխանությունները. Գուրգեն Մարգարյանի սպանության գործով փաստաբան
Մեր պահանջն է Սաֆարովին հանձնել Հունգարիա կամ մեկ այլ երկիր իր պատիժը կրելու․․․
Սումգայիթյան ջարդերին նվիրված ցուցահանդես Կլայպեդայում
Բացման խոսքով հանդես եկավ Կլայպեդայի «Վան» հայկական համայնքի ղեկավար Ալբերտ Ալբերտյանը ...
Ադրբեջանցի մարդասպան Ռամիլ Սաֆարովի կոչումը բարձրացրել են
Նախկին մայորին շնորհվել է գնդապետ-լեյտենանտի կոչում․․․
Ամենաշատ