News
Լրահոս
News
Երկուշաբթի
Ապրիլ 06
USD
501.55
EUR
542.38
RUB
6.58
ME-USD
0.03
Տեսնել լրահոսը


Եթե բողոքներ լինեն, մենք դրանք կքննարկենք: Իրականում, սա բարդ հարց է: Այս մասին փետրվարի 25-ին պետաիրավական հարցերով մշտական խորհրդարանական հանձնաժողովի կողմից կազմակերպված ՀՀ դատական օրենսգրքի եւ հարակից օրենքների բարեփոխման վերաբերյալ լսումների ժամանակ ասաց ՀՀ արդարադատության նախարար Ռուստամ Բադասյանը` պատասխանելով «Բարգավաճ Հայաստան» կուսակցության պատգամավոր Սերգեյ Բագրատյանի հարցին:

Պատգամավորը հետաքրքրվեց, թե ով է, անհրաժեշտության դեպքում, քննելու առաջիկա հանրաքվեի արդյունքների օրինականությունը, եթե գործը հասնի Սահմանադրական դատարանին, քանի որ խնդիրը իրականում առնչվում է Սահմանադրական դատարանի հետ:

Նախարարից սպասված պատասխանը չստանալով` Բագրատյանը նշեց, որ ինքը գտնվում է խորհրդարանում` հենց բարդ հարցեր տալու համար: Այնուհետեւ Բադասյանը հայտարարեց, որ նման իրավական կոնֆլիկտի առկայության դեպքում հարց է առաջանում դատավորների ինքնաբացարկի մասին: «Խորհրդարանական խմբակցությունները կարող են դիմել Սահմանադրական դատարան, եթե լինեն խախտումներ, որոնք ազդում են հանրաքվեի արդյունքների վրա: Դա է միակ պատճառը»,- ասաց նախարարը:

Հիշեցնենք, որ Սահմանադրության մեկ հոդվածի փոփոխությունների մասին հանրաքվեն նախատեսված է ապրիլի 5-ին: Իշխանություններն առաջարկել են վաղաժամկետ դադարեցնել Սահմանադրական դատարանի 7 եւ 9 անդամների լիազորությունները, այդ թվում նաեւ` դրա նախագահի` նրանց նախկին «ռեժիմի» ներկայացուցիչներ անվանելով: Գրեթե բոլոր քաղաքական ուժերը, բացառությամբ` իշխող «Իմ քայլը» դաշինքի եւ նախկին նախագահ Լեւոն Տեր-Պետրոսյանի Հայ ազգային կոնգրեսի, հրաժարվել են մասնակցել այդ գործընթացին` այն, մեղմ ասած, իրավաբանորեն խոցելի անվանելով: Պատասխանը դրական կհամարվի ոչ միայն այն դեպքում, եթե «ԱՅՈ» ասեն ընտրողների կեսից ավելին, այլ նաեւ` ընտրողների ցուցակի առնվազն մեկ քառորդի դեպքում, այսինքն` մոտ 650 հազար մարդու:

 

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ