«Մեր ժամանակների հերոսները» չեն շտապում ձայն բարձրացնել ի պաշտպանություն Սումգայիթի եւ Խոջալուի մասին ճշմարտության: Այս մասին «Խոջալու 28» քննարկման ժամանակ ասաց մեդիափորձագետ Տիգրան Քոչարյանը:
Մեկնաբանելով ռուսական մամուլում հայտնված ակնհայտորեն ադրբեջանամետ բնույթի հրապարակումները՝ Քոչարյանը նկատեց, որ հայամետ նյութերի բացակայությունը ռուսական ԶԼՄ-ներում, որոնց խմբագիրներ են հայերը, կարելի է բացատրել նրանով, որ վերջին շրջանում այդ նույն խմբագիրներն իրենց մասին լավ բաներ չեն լսում պատմական հայրենիքից: «Իսկ ահա «մեր ժամանակների հերոսը» չի շտապում ձայն բարձրացնել ի պաշտպանություն Սումգայիթի եւ Խոջալուի մասին ճշմարտության»,- նկատեց մեդիափորձագետը: Նրա կարծիքով՝ 2018 թվականի գարնան իրադարձությունները մեծ հետաքրքրություն առաջացրեցին Հայաստանի հանդեպ, սակայն վերջին դա չօգտագործեց ինչպես հարկն էր: «Կարելի էր հարթել արտասահմանյան ԶԼՄ-ների ներկայացուցիչների հետ անձնական շփումները: Նախկինում հայտնի են դեպքեր, երբ հաջողվել է բացասական հրապարակումները կանխել անձնական կապերի շնորհիվ»,- պարզաբանեց Քոչարյանը:
Նրա խոսքով՝ տեղեկատվական պատերազմը երկար կտեւի: «Ադրբեջանի նման մենք նման գումարներ չունենք, սակայն ասիմետրիկ եւ հետաքրքիր քայլերով կարելի է շատ բանի հասնել: Մինչեւ 2018 թվականը հաջողվում էր: Նման ամոթալի պատվիրված հոդվածներ չկային: Այժմ դրա փոխարեն ուժերը ծախսվում են սեւերի եւ սպիտակների, սեւերի սեւացման, «ԱՅՈ»-ի քարոզչության եւ ֆեյքերի վրա: Ժամանակն է պարգեւավճարների վրա ծախսված գումարներն իրական նպատակների վրա ծախսել»,- նկատեց Քոչարյանը:
