ՀՀ քաղաքաշինության, տեխնիկական և հրդեհային անվտանգության տեսչական մարմինը իրազեկող տեսանյութ է պատրաստել:
Տեսանյութի պատրաստման համար հիմք է հանդիսացել վերջին ժամանակահատվածում ներտնային գազասպառման համակարգում տեղի ունեցած շմոլ գազից թունավորման, այդ թվում՝ մահացու ելքով պատահարների վիճակագրության և վերլուծության արդյունքները։
«Տեսչական մարմինը՝ որպես գազասպառման ոլորտը վերահսկող լիազոր մարմին, անհրաժեշտ է համարում, այս տեսանյութի միջոցով քաղաքացիներին իրազեկել գազի անվտանգության կանոնների պահպանման մասին։
Ակնկալում ենք Ձեր աջակցությունը՝ այս տեսանյութի տարածման հարցում, ինչը կնպաստի հետագայում հնարավոր պատահարների թվաքանակի նվազեցմանը»,-ասված է հաղորդագրության մեջ:
