Եվրամիությունը թույլ չի տա, որպեսզի Թուրքիան շանտաժով զբաղվի` ապօրինի միգրանտների հոսքի կազմակերպման ճանապարհով: Զագրեբում ԵՄ արտաքին գործերի նախարարների ոչ պաշտոնական հանդիպմանը ժամանելուն պես այս մասին հայտարարել է Ավստրիայի արտաքին գործերի նախարար Ալեքսանդր Շալենբերգը, փոխանցում է ՏԱՍՍ-ը:
Ըստ նրա, Թուրքիայի պահվածքն անընդունել է, որը ցինիկ կերպով ճնշում է գործադրում ԵՄ-ի վրա՝ անպաշտպան մարդկանց միջոցով: «Կարեւորն այն է, որ մենք մեզ թույլ չենք տա մեզ շանտաժի ենթարկել»,- նշել է Ավստրիայի արտգործնախարարը:
Փետրվարի վերջին սիրիական բանակի հետ բախումից հետո, որի ընթացքում 36 թուրք զինծառայող էր զոհվել, Անկարան որոշում կայացրեց չխոչընդոտել Սիրիայից ժամանած փախստականների մուտքը ԵՄ: Թուրքիայի իշխանությունները հայտարարել էին, որ սահմանը հատող փախստականների թիվը 100 հազար է:
Եվրամիությունը բանակցություններ է վարում Թուրքիայի հետ` իրավիճակը կարգավորելու համար եւ խոստանում է աջակցություն ցուցաբերել փախստականների ներհոսքին բախվող Հունաստանին, Բուլղարիային եւ Կիպրոսին: Թուրքիայի եւ ԵՄ-ի միջևեւ սահմանը միգրանտների համար փակ է 2016 թվականից` Բրյուսելի եւ Անկարայի միջեւ առանց վիզայի ռեժիմի մասին համաձայնագրի շրջանակներում, որը, սակայն, այդպես էլ երբեք չի գործել:
