Մեր հանքարդյունաբերությունը պետք է աշխատի միջազգային ստանդարտներով: Այս մասին, ասյօր՝ մարտի 10-ին, Քաջարանում «Այո»-ի քարոզարշավի ժամանակ նշեց ՀՀ վարչապետ Նիկոլ Փաշինյանը:
Նա պատմեց, որ Զանգեզուրի պղնձամոլիբդենային կոմբինատի գերմանացի սեփականատերերի հետ հանդիպման ժամանակն ինք առաջարկել է կամաց-կամաց անցնել այնպիսի պայմանների, ինչպիսին կարող է լինել Գերմանիայի տարածքում գործող հանքի դեպքում:
«Ես ասել եմ, որ գերմանական ստանդարտ ասելով նկատի ունեմ ոչ միայն հանքարդյունաբերության բնապահպանական, արտադրական ցիկլի, անվտանգության հարցերը, այլ նաեւ աշխատողների իրավունքների պատպանությունը: ՀՀ-ում հանքարդյունաբերությունում աշխատող քաղաքացին պետք է նույնքան պաշտպանված լինի իր իրավունքներով, որքան պաշտպանված է Գերմանիայի քաղաքացին: Եվ երրորդ, ասել եմ, որ մենք կունենանք շատ լուրջ պրոբլեմ, եթե երբեւէ իմանամ, որ գործարանի վարչակազմը քաղաքական որեւէ նպատակով խոչնդոտում է կոմբինատի աշխատողների ազատ կամարտահայտությունը: Մենք շատ լուրջ պրոբլեմ կունենանք իրար հետ»,-ասաց վարչապետը: