Սալվադորի նախագահ Նայիբ Բուկելեն հայտարարել է երկրում 30 օր ժամեկտով պարտադիր տնային կարանտին սահմանելու մասին կորոնավիրուսի տարածումը կանխարգելելու միջոցառումների շրջանակում, հաղորդում է ՌԻԱ Նովոստի-ն:
«Այսօրվանից մենք որոշել ենք սահմանել տնային կարանտին 30 օրով»,-հայտարարել է նախագահն ազգային հեռուստատեսությամբ ելույթի ժամանակ:
Բուկելեն նախազգուշացրել է, որ կարանտինը բոլոր խախտողները բերման կենթարկվեն եւ կմեկուսացվեն պետական կենտրոններում: Կարանտինի ընթացքում ընտանիքից միայն մեկ մարդու կթույլատրվի դուրս գալ տնից սննդամթերք եւ անհրաժեշտ պարագաներ ձեռքբերելու համար:
Սալվադորում կորոնավիրուսով վարակվելու առաջին դեպքը գրանցվել էր չորեքշաբթի, այնուհետեւ հիվանդությունը հայտնաբերվել էր եւս երկու մարդու մոտ:
