Գերմանական Novitec ատելյեն պատրաստել է Արեւելյան Maserati Levante-ի վերջնամշակումների նոր փաթեթ: Քրոսովերին առաջարկվել է մեծացնել հզորությունը, ընդ որում՝ նրան հասանելի ագրեգատներով, եւ կիրառել գերընդարձակ ծածկոց՝ 22-դյույմանոց անիվներով, փոխանցում է Motor-ը:
Novitec-ի Maserati Levante Esteso V2 ամենագնացը ստացել է widebody ծածկոց՝ պատրաստված բարձրորակ պոլիուրեթանից: Ծածկոցը կազմված է 8 մասից՝ անվային կամարների, շեմերի եւ բամփերների միակցման տարրերի մակադրակ: Դրանց տեղադրումից հետո քրոսովերի լայնությունը կմեծանա մինչեւ 2,09 մետր, այսինքն՝ առջեւից այն մեծանում է 10 սմ-ով, հետեւից՝ 12: Բեռնախցիկի դռան վրա կլինի կարբոնային սփոյլեր եւ ծածկի վրա օդհավաքիչ:
Novitec-ում առաջարկում են քրոսովերի շարժիչային ամբողջ գամմայի համար հզորության մեծացման ծրագիր՝ V6 3.0 դիզելից մինչեւ V8 3.8 թվին տուրբո: Այսպես՝ 580 ձ.ու. (720 Նմ) թոփային «ութնյակի» հզորությունը կմեծացվի մինչեւ 624 ձ.ու. (820 Նմ), իսկ դիզելինը՝ 275-ից մինչեւ 322: Levante S-ում բենզինային V6 3.0 Novitec-ի մասնագետների միջամտությունից եւ նոր քարտերով կառավարման մոդուլի տեղադրումից հետո 430-ի փոխարեն կունենա 494 ձ.ու.: