Ուրբաթ երեկոյան կայացած հեռախոսազրույցի ընթացքում Ռուսաստանի եւ Միացյալ Նահանգների նախագահներ Վլադիմիր Պուտինը եւ Դոնալդ Թրամփը հակառուսական պատժամիջոցների թեման չեն բարձրացրել:
Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը` պատասխանելով հարցին` արդյո՞ք Պուտինը եւ Թրամփը խոսել են պատժամիջոցների մասին, օրինակ` «Հյուսիսային հոսք-2»-ի կամ «Ռոսնեֆտ»-ի նկատմամբ, փոխանցում է ՏԱՍՍ-ը:
«Ոչ, չեն հիշատակել»,- ասել է Կրեմլի ներկայացուցիչը:
Ինչպես ավելի վաղ հաղորդել էր Կրեմլի մամուլի ծառայությունը, ուրբաթ երեկոյան Ռուսաստանի նախագահը հեռախոսազրույց է ունեցել Թրամփի եւ Սաուդյան Արաբիայի թագավոր Սալման Բեն Աբդել Ազիզ Ալ Սաուդի հետ:
