News
Լրահոս
News
Երեքշաբթի
Հոկտեմբեր 19
Տեսնել լրահոսը

ԱԺ «Իմ քայլը» խմբակցության պատգամավորներ Վահե Հովհաննիսյանը և Եղիշե Սողոմոնյանն օրենքի նախագիծ  են ներկայացրել, որով առաջարկում են չբարձրացնել 500 000 դրամ և ավելի եկամուտ ունեցող ֆիզիկական անձանցից գանձվող սոցիալական վճարի չափը:

Գործող օրենքով 500 000 դրամից բարձր աշխատավարձ ստացողների համար սոցիալական վճարների հաշվարկման առավելագույն շեմը 500 000 դրամն է, որը 2020 թ. հուլիսի 1-ից դառնում է նվազագույն աշխատավարձի 15-ապատիկի չափ, որն այս պահին 1 020 000 դրամ է:

«Արդյունքում՝ 500 000 դրամից ավել աշխատավարձ ստացողները վճարելու են ամսական մինչև 52 000 դրամ լրացուցիչ սոցիալական վճար: Այդ վճարները ուղղվելու են կուտակային ֆոնդերին, որը նվազեցնելու է տնօրինվող եկամուտը և նաև սպառումը: Մյուս կողմից այդ խավն այս պահին արդեն կատարում է ամենաշատ սոցիալական վճարները և կենսաթոշակի հետագա ստացման տեսանկյունից արդեն գտնվում է լավագույն վիճակում և լրացուցիչ վճարների անհրաժեշտությունը բացակայում է: Միևնույն ժամանակ այս խավի համար ստեղծվում են անարդար պայմաններ, քանի որ մինչև 500 000 դրամ ստացողների համար պետության կողմից վճարի մասով առկա է նույնանման համամասնությունը, ինչը բացակայում է 500 000 դրամից բարձր աշխատավարձի դեպքում, երբ պետությունը վճարում է 500 000 դրամի համար սահմանված վճարի չափով»,-ասված է նախագծի հիմնավորման մեջ:

Նախագծով առաջարկվում է 2020 թ. հուլիսի 1-ից շեմի բարձրացման կարգավորումները չեղյալ համարել, և առանց հետագա ժամկետային սահմանափակման առավելագույն շեմ սահմանել 500 000 դրամը:

Ըստ նախագծի հեղինակների՝ փոփոխություն չիրականացնելու դեպքում մոտ 25 000 քաղաքացի լրացուցիչ վճարելու է ամսական մոտ 700 մլն դրամ:

«Արդյունքում՝ տարեկան կտրվածքով շրջանառությունից դուրս է գալու մոտ 8,4 միլիարդ դրամ, որը կարող է հանգեցնել ավելի քան 1 միլիարդ դրամ հարկային մուտքերի կրճատման՝ սպառման կրճատման պատճառով: Առաջարկվող փոփոխությունը հնարավորություն կտա խուսափել սպառման նման մակարդակի նվազումից և հարկերի նվազումից՝ առավել ևս սպասվող ֆինանսատնտեսական ճգնաժամի ֆոնին»,-նշված է հիմնավորման մեջ:

Տպել
Կարդացեք նաև
Ամբողջը
Ներդրումները կրճատվել են ալկոհոլի եւ ծխախոտի արտադրության, հեռահաղորդակցության ոլորտներում
Առաջիկա տարիներին կառավարության առաջնահերթություններից պետք է լինի ներդրումների...
Ֆերմեր. Հացահատիկների, կարտոֆիլի եւ անասնապահության համար տարին վատն էր, պտուղների համար՝ հաջող էր
Հավաստագրված տնկիներ չեն լինում, հավաստագրում են տնկարանները․․․
Դոլարի փոխարժեքը շարունակում է նվազել. եվրոն թանկացել է
Թանկարժեք մետաղների համար բանկի կողմից սահմանվել են հետևյալ գները...
Մենք պատրաստ ենք ֆինանսավորել «Գեոպրոմայնինգ» ընկերությանը. «ԷԿՍԱՐ»
Մենք փոխգործակցում ենք «Գեոպրոմայնինգ» ընկերության հետ, ասել է Նիկիտա Գուսակովը...
Հերթական ճոռոմ խոստումների անպատիժ ձախողումը. Թադեւոս Ավետիսյան
Հայաստանում տնտեսական ակտիվության ցուցանիշը աճել է խոստացածի կեսից էլ պակաս չափով՝ 4,9 տոկոսով։ Նախորդ ամսվա ցուցանիշի համեմատ նվազել է 0,3 տոկոսային կետով…
Ինչպես են հօդս ցնդել հայ թոշակառուների հույսերը. պարգեւավճարների համար գումար կա, թոշակների համար՝ ոչ
Պետբյուջեի միջոցների որոշակի մասը ծախսվում է «էլիտար» պետական ​​գերատեսչությունների աշխատակիցների՝ վերջին տարիներին զգալիորեն ավելացած աշխատավարձերի եւ նրանց ֆանտաստիկ բարձր պարգեւավճարների վրա...
Ամենաշատ