Ներդրումային միջավայրի համար շատ կարեւոր է, որ արբիտրաժի գործուն ինստիտուտը ներդնենք: Այս մասին կառավարության նիստի ժամանակ հայտարարեց ՀՀ վարչապետ Նիկոլ Փաշինյանը՝ հավելելով, որ այս հարցը քննարկվում է 2018-ից ի վեր:
«Շատ կարեւոր է ընտրել ճիշտ մոդելը, որ այն աշխատի: Կարող է հարց հնչել՝ ինչու մինչեւ հիմա չկա արբիտրաժ: Չկա մի պարզ պատճառով, որովհետեւ ուզում ենք համոզված լինել, որ ճիշտ մոդելն ենք ընտրում եւ համակարգը գործարկելուց հետո աշխատելու է»,-ասաց նա: