Արեւմտյան Թուրքիայում մզկիթների մինարեթներից հնչել է իտալական դիմադրության Bella Ciao երգը, ինչը առաջացրել է սոցցանցերի օգտատերերի հիացմունքը։ Դրանից հետո Թուրքիայի բարձրագույն կրոնական մարմնի՝ Կրոնի հարցերով վարչության ղեկավար Ալի Էրբաշը հայտարարել է, թե իշխանությունները հետաքննություն են սկսել օգտատերերի հանդեպ, հայտնում է T24-ը։
«Մենք քրեական բողոք ենք ներկայացրել այդ միջադեպի կապակցությամբ, որը խորապես վիրավորել է բոլոր մահմեդականններին՝ Ռամադան սուրբ ամսում, եւ իշխանությունները հետաքննություն են սկսել նրանց հանդեպ, ովքեր կատարել են այդ սադրիչ ակցիան, կիսվել են տեսանյութով եւ գովաբանել այդ այլանդակ գործողությունը սոցցանցերի իրենց էջերում»,- ասել է Էրբաշը։
Իզմիրի բնակիչները ցնցվել են «աղոթքի անսպասելի կոչից», երբ չորեքշաբթի մի քանի մզկիթների մինարեթներից հնչել է Bella Ciao երգը։
İzmir'de camilerden 'Çav Bella' çaldı
— Yol TV (@YolTV) May 20, 2020
Sosyal medyada paylaşılan videolarda İzmir'in bazı semtlerindeki cami hoparlörlerinden bilinmeyen bir sebeple 'Çav Bella' şarkısı çalındığı belirtildi. pic.twitter.com/SCfq15XOIa