Արցախի Հանրապետության Ազգային ժողովը կարող է տեղափոխվել Շուշի։ Այս մասին այսօր՝ մայիսի 21–ին պաշտոնը ստանձնելիս ասել է Արցախի նորընտիր նախագահ Արայիկ Հարությունյանը։
«Ես հույս ունեմ, որ Ազգային ժողովի հաջորդ արդեն իրական նիստը կկայանա Շուշիում, կա նման ցանկություն ԱԺ-ն տեղափոխել Շուշի եւ մենք այդ ուղղությամբ քայլեր կձեռնարկենք»,– ասել է նա։
Նշենք, որ Արցախի Շուշի քաղաքի մշակույթի և երիտասարդության կենտրոնում ընթանում է Հանրապետության նախագահ Արայիկ Հարությունյանի պաշտոնի ստանձնմանը նվիրված Արցախի Հանրապետության Ազգային ժողովի հատուկ նիստը: