News
Լրահոս
News
Շաբաթ
Հուլիս 11
USD
486.73
EUR
549.62
RUB
6.84
ME-USD
0.02
Տեսնել լրահոսը

Ռուսաստանի վարչապետ Միխայիլ Միշուստինը կոչ է արել վերացնել առեւտրի խոչընդոտներն ԱՊՀ տարածքում՝  կորոնավիրուսի համաճարակի բացասական հետեւանքներին դիմակայելու համար տնտեսական ինտեգրումը մեծացնելու նպատակով, փոխանցում է ՏԱՍՍ-ը:

«Կորոնավիրուսի տարածումը բացասաբար է անդրադառնում ԱՊՀ երկրների տնտեսության վրա: Իհարկե, այս պայմաններում առանձնահատուկ նշանակություն ունի փոխգործակցությունն առեւտրատնտեսական ոլորտում»- նշել է Միշուստինն ԱՊՀ կառավարությունների ղեկավարների խորհրդի նիստին:

Նրա կարծիքով՝ «կորոնավիրուսի հետեւանքները հաղթահարելու համար անհրաժեշտ է ակտիվացնել ջանքերն առեւտրի խոչընդոտներն ու սահմանափակումները հանելու, ԱՊՀ ազատ առեւտրի գոտու արդյունավետ աշխատանքի ապահովման եւ տրանսպորտի ոլորտում համագործակցության խորացման համար»: Միշուստինը նաեւ կարծում է, որ «նպատակահարմար է արագացնել աշխատանքն ազատ առեւտրի, ծառայությունների վերաբերյալ համաձայնագրի շուրջ, զբաղվել ինտեգրացիոն գործընթացների ներդրմամբ Համագործակցության եւ Եվրասիական տնտեսական միության շրջանակներում, ապահովել տնտեսությունների հետագա թվայնացումը»:

«ԱՊՀ բոլոր երկրներին անհրաժեշտ է կրճատել կախվածությունն էներգետիկ համաշխարհային շուկաների վիճակից»,- համոզված է Ռուսաստանի վարչապետը: Նա հայտարարել է, որ «նավթի գների կտրուկ անկումն ազդել է ԱՊՀ տնտեսության շատ ոլորտների վրա»:

Ըստ Միշուստինի՝ «այս պայմաններում առանձնահատուկ նշանակություն է ձեռք բերում համագործակցության ամրապնդումն առեւտրատնտեսական ոլորտում»: «Այս խնդիրները արտացոլված են ԱՊՀ տնտեսական զարգացման՝ մինչեւ 2030 թվականի ռազմավարության նախագծում, այն ուղղված է մեր երկրների տնտեսական դիրքերի ամրապնդմանը, ապրանքների մրցունակության բարձրացմանը, արդյունաբերական ոլորտների եւ ծառայությունների զարգացմանը եւ ամենակարեւորը՝ ելավել Համագործակցության բնակիչների բարեկեցության մակարդակի բարձրացմանը»,- նշել է ՌԴ վարչապետը: .

Նա կարծում է, որ «ներկայիս տնտեսական բարդ պայմաններում ռազմավարության արագ ընդունումը ընդհանուր երկարաժամկետ շահերի շրջանակում է»: «Ակնհայտ է, որ մենք միասին կկարողանանք ավելի արագ հաղթահարել կորոնավիրուսի բացասական տնտեսական հետեւանքները»,- ասել է Միշուստինը:
ՌԴ վարչապետը հայտարարել է. «Մենք բազմակողմ փոխգործակցությունից դրական արդյունքներ ենք սպասում արդեն մոտ ապագայում»:

Նա առաջնահերթ խնդիրների թվում նշել է «ԱՊՀ տրանսպորտային համակարգի կատարելագործումը, ինտեգրումը»: «Այսօր քննարկում ենք մինչեւ 2030 թվականը տրանսպորտի ոլորտում առաջնահերթ ուղղությունների նախագիծը, եւ խոսքն առաջին հերթին վերաբերում է մեր տարանցիկ ներուժի արդյունավետ օգտագործմանը, որի հիմքի վրա Համագործակցության տարածքում գործարկելու ենք նոր մասշտաբային ենթակառուցվածքային նախագծեր»,- հավաստիացրել է ՌԴ վարչապետը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պուտինը հեռախոսային բանակցություններ է անցկացրել Ադրբեջանի, Ղազախստանի, Տաջիկստանի եւ Ուզբեկստանի նախագահների հետ
Ինչպես հայտնում է Կրեմլի մամուլի ծառայությունը, ԱՊՀ երկրների առաջնորդները ջերմորեն շնորհավորել են Վլադիմիր Պուտինին․․․
Գեղամ Գեւորգյանը մասնակցել է ԱՊՀ երկրների Հակամենաշնորհային քաղաքականության միջպետական խորհրդի նիստին
Քննարկվել են նաեւ «ԱՊՀ մասնակից պետություններում բժշկական սարքավորումների ապրանքային շուկաներում մրցակցության իրավիճակի...
Հայաստանը կարող է վավերացնել քրեական գործերով ապացույցների փոխանակման վերաբերյալ ԱՊՀ արձանագրությունը
Արձանագրության նպատակը համագործակցության ամրապնդումն է զենքի եւ թմրանյութերի ապօրինի շրջանառության դեմ պայքարում...
Մհեր Գրիգորյանը տեսակապի միջոցով մասնակցել է ԱՊՀ երկրների վարչապետների խորհրդի նիստին եւ ելույթ ունեցել
Մեր հանդիպումը տեղի է ունենում հեռահար կերպով, բայց մենք անկեղծորեն հույս ունենք, որ մոտ ապագայում նոր կորոնավիրուսային համավարակով...
Մենք դեմ ենք ԱՊՀ հարթակի օգտագործմանը՝ ԼՂ խնդրում Բաքվի միակողմանի պատկերացումների պարտադրման նպատակով. Մհեր Գրիգորյան
Հայկական կողմը հաստատում է իր հանձնառությունը հակամարտությունների բացառապես խաղաղ կարգավորմանը միջազգային իրավունքի սկզբունքներին համապատասխան...
Միշուստինը կոչ է արել ԱՊՀ-ում COVID-19-ի դեմ պայքարում օգտագործել ԽՍՀՄ տարիների լավագույն պրակտիկաները
Մեր երկրները ոչ միայն ընդհանուր սահմաններ ունեն, այլեւ միասնական համաճարակային տարածք...