Ավստրալիայում նոր ռետինե պոլիմեր են մշակել, որը թույլ է տալիս նոր սերնդի շինանյութեր ստեղծել: Խոսքն ունիվերսալ պոլիմերի մասին է, որը կարելի է վերամշակվել անսահման թվով անգամներ, փոխանցում է Planet-Today-ը:
Նոր ռետինե պոլիմերը հիմնված է կանճրակի յուղի եւ ծծմբի վրա: Եզակի քիմիական կառուցվածքի շնորհիվ նյութը զարմանալի հատկություններ է ցուցաբերում. օրինակ, այն չի հալվում, բայց եթե դրանից ստացված փոշին աստիճանաբար տաքացնել մինչեւ 100 աստիճան, ապա կարել է պոկել եւ կրկին հավաքել ծծմբային կապերը (ճնշման գործադրմամբ):
Գործընթացը, որը գիտնականները «ռեակտիվ կոմպրեսային ձեւավորում» են անվանել, թույլ է տալիս օգտագործել նոր պոլիմերն այնքան ժամանակ, որքան ցանկանում եք: Դրանից կարելի է ցանկացած բան ստեղծել, որ սովորաբար ստեղծում են ռետինեից (խողովակներ, մեկուսացում, ծածկույթներ եւ այլն), որոնք այնուհետեւ կարելի է հեշտությամբ վերամշակել:
Եվ սա դեռ ամենը չէ: Նոր պոլիմերի առաջատար հեղինակներից մեկը՝ Ջասթին Չալկերը, ասում է, որ նյութը կարելի է խառնել այլ նյութերի հետ՝ արդյունքում եզակի հատկություններով համադրությունների ստանալով:
«Մենք ռետինե պոլիմերի եւ կոկոսի կաղապարի հիման վրա նյութի փորձարկումներ ենք անցկացրել. դրանից կարելի է ամուր շինանյութեր, մեկուսացման համար նյութեր պատրաստել: Կարգավորելով բաղադրիչների հարաբերակցությունը՝ կարելի է կարգավորել նման կազմությունների ճկունությունը: Մեկ այլ փորձի մեջ մենք պոլիմերը խառնել ենք ավազի հետ եւ բետոնի լավ փոխարինող ենք ստացել»,- նշել է գիտնականը:
