2019 թվականին ԿԲ-ի վարչական ծախսերը կազմել են 6,6 մլրդ դրամ, թեեւ նախահաշիվը եղել է 7,2 մլրդ դրամ: Այս մասին այսօր ԱԺ մշտական հանձնաժողովների համատեղ նիստի ժամանակ 2019-ի պետբյուջեի կատարման մասին զեկույցի քննարկման ընթացքում հայտարարեց Կենտրոնական բանկի նախագահ Արթուր Ջավադյանը:
Այդպիսով, նրա խոսքով, կատարողականը կազմել է 92%:
ԿԲ նախագահը նշեց, որ վարչական ծախսերը ընդգրկում են ապարատի պահպանման, լրատվական տեղեկատվության եւ մասնագիտկան գրականության ձեռք բերման, տնտեսական նյութերի եւ արագամաշ առարկաների դուրսգրման եւ ծառայողական նպատակով օգտագործվող կապի միջոցների հետ կապված ծախսերը, ինչպես նաեւ չնախատեսված ծախսերը:
«2019-ին ծախսերի 98%-ը կազմել են ապարատի պահպանման ծախսերը: Ծախսերի կատարողականը կազմել է 93%, ինչը կազմում է 6,48 մլրդ դրամ»,-պարզաբանեց Ջավադյանը: