Շրջակա միջավայրի նախարարությունը Սեւանա լճի կողմից ջրածածկ եղած անտառային հատվածների մաքրման համար ծախսել են 114,4 մլն դրամ: Միջոցներն ուղղվել են ծովի մակարդակից 1901,5 մետր ցածր գտնվող տարածքների մաքրմանը: Այս մասին հունիսի 10-ին ՀՀ Ազգային ժողովում մշտական խորհրդարանական հանձնաժողովների համատեղ նիստին 2019 թվականի պետական բյուջեի կատարողականի վերաբերյալ զեկույցի քննարկման ժամանակ ասաց շրջակա միջավայրի նախարարի պաշտոնակատար Վահե Ջիլավյանը:
Նրա խոսքով՝ նախատեսվում էր այս գումարով մաքրել 98 հա տարածք: Ջիլավյանը հայտնեց, որ 2019 թվականի վերջին մաքրվել էր 30 հեկտար, այնուհետեւ պայմանագիրը փոփոխության ենթարկվեց, որից հետո դրա ժամկետը երկարաձգվեց, եւ այս պահին արդեն մաքրված է 94 հեկտար:
