Apple-ը նախատեսում է մինչեւ տարվա վերջը iPhone-ի ինը նոր մոդել թողարկել, հայտնում է «ՌԻԱ Նովոստի»-ն՝ հղում անելով MySmartPrice-ին։

Կայքի տեղեկատվությամբ՝ Եվրասիական տնտեսական հանձնաժողովը արտոնագիր է գրանցել Apple սմարթֆոնների ինը նոր մոդելների համար։ A2172, A2176, A2341, A2342, A2399, A2403, A2407, A2408 եւ A2411 համարները, հավանաբար, պատկանում են iPhone 12 շարքի սարքերին։

Ենթադրվում է, որ դրանք վերաբերում են iPhone 12, iPhone 12 Max, iPhone 12 Pro и iPhone 12 Pro Max մոդելներին, որոնք ունեն ներքին հիշողության տարբեր ծավալներ։

Նաեւ նշվում է, որ այժմ սարքերի նկարագրությունը պարունակում է տվյալներ դրանց կողմից iOS 13 օպերացիոն համակարգի գործարկման վերաբերյալ։ Նոր iOS 14-ը, որով կաշխատի iPhone 12-ը, կթողարկվի մինչեւ տարվա վերջը։

Լրագրողները հիշեցնում են, որ iPhone 12 շարքի շնորհանդեսը պետք է տեղի ունենար սեպտեմբերին, սակայն կորոնավիրուսի համավարակի պատճառով այն, ամենայն հավանականությամբ, երկու ամսով կհետաձգվի։