![](img/news/58/52/04/default.jpg)
Իրանական Համադան քաղաքում հայկական Սուրբ Մարիամ Աստվածածին եկեղեցու մերձակա տարածքում բռնկված հրդեհը մեկուսացվել է, զոհերի մասին չի հաղորդվում, հայտնում է Aliqonline.ir–ը՝ հղում անելով ISNA-ին։
Նշվում է, որ հրդեհը չի վնասել պատմական կառույցը։
Ահազանգն այն մասին, որ հայկական եկեղեցու մերձակա տարածքում հրդեհ է բռնկվել, ստացել է 18-րդ հրշեջ կայանը։
Դեպքի վայր են մեկնել կայանի աշխատակիցները, ինչպես նաեւ Համադանի կենտրոնական հրշեջ ծառայության փրկարարները, որոնց հաջողվել է մեկուսացնել մեկ ժամ մոլեգնող հրդեհը։
Դեպքի հետեւանքով զոհերի մասին չի հաղորդվում։ Հրդեհը բռնկվել է խոտածածկ տարածքում, կրակը հասել է եկեղեցու շենքին, ինչի հետեւանքով մասամբ վնասվել է ճակատային մասը, սակայն ոչ շենքը։