Հայաստանն արտահանձնել է գրեթե 800 000 ռուբլու չափով խոշոր խարդախության համար հետախուզվող ռուսաստանցուն: Այս մասին ՏԱՍՍ-ին հայտնել են ՌԴ գլխավոր դատախազությունում:
Հայաստանն արտահանձնել է Ռոլանդի Ազովին, ով մեղադրվում է ՌԴ ՔՕ 159-րդ հոդվածի 3-րդ մասով (խոշոր չափի խարդախություն):
Քննության վարկածով՝ նա Դոնի Ռոստովում իր ծանոթից 766 000 ռուբլի է ստացել Հունաստանից Ռուսաստան մթերք մատակարարելու համար, սակայն թաքնվել է՝ վերցնելով գումարը, եւ նրա նկատմամբ հետախուզում է հայտարարվել: 2019 թվականի նոյեմբերին պարզվել է, որ նա գտնվում է Հայաստանում: Ռուսաստանը խնդրել է արտահանձնել 2019-ի դեկտեմբերին: Արտահանձնումը տեղի է ունեցել անհրաժեշտ հակահամաճարակաբանական միջոցառումների պահպանմամբ: