Եվրասիական տնտեսական միության (ԵԱՏՄ) եւ Իսրայելի միջեւ ազատ առեւտրի գոտու մասին համաձայնագիրը (FTA) կարող է ստորագրվել այս տարի: Այս մասին հայտարարել է Ռուսաստանի Դաշնությունում Իսրայելի գործերի ժամանակավոր հավատարմատար Յակոբ Լիվնեն, փոխանցում է ՏԱՍՍ-ը:
«Մի կարեւոր թեմա, որի ուղղությամբ մեք աշխատում ենք, Իսրայելի եւ Եվրասիական տնտեսական միության միջեւ ազատ առեւտրի գոտին է: Կարծում եմ, որ առկա են բոլոր հնարավորությունները բանակցությունները 2020-ին ավարտելու, այն ստորագրելու եւ ապա իրականացնելու համար»,- ասել է իսրայելցի դիվանագետը:
