News
Լրահոս
News
Երեքշաբթի
Մայիս 18
USD
521.91
EUR
634.43
RUB
7.06
ME-USD
0
Տեսնել լրահոսը

Հուլիսի 4-ին Արցախի Հանրապետության արտաքին գործերի նախարար Մասիս Մայիլյանը հանդիպում է ունեցել աշխատանքային այցով Ստեփանակերտում գտնվող Հայաստանի Հանրապետության արտաքին գործերի նախարար Զոհրաբ Մնացականյանի հետ։

Հանդիպմանն անդրադարձ է կատարվել ադրբեջանա-ղարաբաղյան հակամարտության խաղաղ կարգավորման գործընթացի ներկա փուլին առնչվող մի շարք հարցերի: Զոհրաբ Մնացականյանը, մասնավորապես, ներկայացրել է վերջերս ԵԱՀԿ ՄԽ համանախագահների եւ Ադրբեջանի ԱԳ նախարարի հետ տեղի ունեցած տեսակոնֆերանսների արդյունքները։ Այս համատեքստում երկուստեք նշվել է խաղաղ կարգավորման գործընթացի անշրջելիության ապահովման նպատակով հակամարտության գոտում ռիսկերի նվազեցման եւ կայունության ամրապնդման ուղղված գործնական քայլերի իրականացման կարեւորությունը։ ԱԳՆ ղեկավարներն ընդգծել են վերջերս Ադրբեջանի իշխանությունների կողմից տարբեր մակարդակներով հնչեցվող ռազմատենչ եւ սադրիչ հայտարարությունների անթույլատրելիությունը՝ նշելով, որ նման հռետորաբանությունը վտանգում է խաղաղ գործընթացը եւ խոչընդոտում վստահության մթնոլորտի ձեւավորմանը։

Միեւնույն ժամանակ, վերստին ընդգծվել է բանակցություններին պաշտոնական Ստեփանակերտի լիարժեք մասնակցության անհրաժեշտությունը՝ խաղաղ գործընթացի արդյունավետության բարձրացման համար։

Այնուհետեւ հանդիպումը շարունակվել է ընդլայնված կազմով՝ Արցախի Հանրապետության ԱԳՆ ղեկավար կազմի եւ ՀՀ ԱԳՆ պատվիրակության մասնակցությամբ։ Հանդիպմանն անդրադարձ է կատարվել երկու գերատեսչությունների միջեւ խորհրդակցությունների պլանի կատարման ընթացքին։ Կողմերը գոհունակությամբ են նշել նախարարությունների միջեւ համագործակցության բարձր մակարդակը եւ գործնական բնույթը։ Տեղի է ունեցել մտքերի փոխանակում՝ Արցախի միջազգային կապերի եւ միջազգային գործընթացներում հանրապետության ներգրավվածության ընդլայնման հեռանկարների եւ այդ ուղղությամբ համակարգված քայլերի շուրջ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵԱՀԿ-ն շարունակելու է բարձրացնել բոլոր հայ գերիների վերադարձի խնդիրները. ԵԱՀԿ գլխավոր քարտուղարը՝ Արմեն Սարգսյանին
ԵԱՀԿ գլխավոր քարտուղարը պատասխանել է Հանրապետության նախագահ Արմեն Սարգսյանի նամակին...
Նվաստացուցիչ այս պարտության գլխավոր պատասխանատուն և մեղավորը Նիկոլ Փաշինյանն է՝ հայկական էլչիբեյը. Զուրաբյան
Հայաստանի իշխանություններն այդպես էլ չկարողացան Ֆեյսբուքից դուրս գալ ռեալ կյանք և հոդաբաշխ դիմադրություն կազմակերպել…
Հայաստանը չի հանդուրժի Ադրբեջանի նման սադրիչ գործելաոճը. ԵԱՀԿ-ում ՀՀ մշտական ներկայացուցիչ
Ադրբեջանի գործողություններին նախորդել են այդ երկրի նախագահի ռազմատենչ եւ Սյունիքի մարզի հանդեպ տարածքային պահանջներ պարունակող հայտարարությունները...
Արա Այվազյանը հեռախոսազրույց է ունեցել ԵԱՀԿ գործող նախագահի հետ
Նախարարի պաշտոնակատար Այվազյանն իր գործընկերոջը հանգամանալից ներկայացրել է Ադրբեջանի զինված ուժերի գործողությունների արդյունքում ՀՀ Սյունիքի մարզում ստեղծված իրավիճակը...
Հայաստանի ու Ադրբեջանի միջև դելիմիտացիա, դեմարկացիա հնարավոր կլինի, երբ այս բոլոր քայլերն իրագործվեն. Լավրով
Մենք հավատարիմ ենք ապահովելու մեր դաշնակցի՝ Հայաստանի Հանրապետության անվտանգությունը...
ԵԱՀԿ ՄԽ համանախագահները դարձյալ կոչ են արել վերադարձնել բոլոր գերիներին
Համանախագահները կողմերին կոչ են անում կոնկրետ քայլեր ձեռնարկել կայուն խաղաղության հաստատմանը նպաստող…
Ամենաշատ