![](img/news/05/92/39/default.jpg)
«ՆԱՍԴԱՔՕԷՄԷՔՍ Արմենիա» բորսայում այսօր՝ մայիսի 13-ին տեղի ունեցած գործարքների արդյունքում փոխարժեքը հարաբերական կայունություն է պահպանել։ Դոլարի միջին փոխարժեքը կազմել է 374,78 դրամ, որը ընդամենը 0,34 կետով է ավելի նախորդ օրվա համեմատ։
Դոլարի առավելագույն փոխարժեքը կազմել է 375 դրամ։ Պահպանվել է դոլարի նկատմամբ բավական բարձր պահանջարկ՝ իրականացվել է 7,5 մլն դոլարի առեւտուր։
Կանխիկ արտարժույթի շուկայում դոլարի փոխարժեքն առանձնապես փոփոխություն չի կրել, սակայն ավելացել է այն բանկերի թիվը, որոնք դոլարի առքի փոխարժեքը սահմանել են 373,50 դրամ՝ սա այս օրերին առքի առավելագույն փոխարժեքն է։