News
Լրահոս
News
Չորեքշաբթի
Մարտ 20
Տեսնել լրահոսը

Թուրքիայի Հաթայ նահանգում գտնվող Մուսա լեռան ստորոտին գտնվող հայաբնակ Վաքըֆլը  (Վագըֆ) գյուղի երիտասարդությունը տարբեր պատճառներով  հեռանում է   ծննդավայրից՝  թողնելով գյուղում միայն տարեցներին:

Ցեղասպանությունից փրկված եւ այնուհետ կրկին իրենց գյուղը վերադարձած Թուրքիայի միակ հայկական գյուղի բնակիչների թիվը տարեցտարի նվազում է: Գյուղի երիտասարդների մի մասը հեռանում է Թուրքիայի մեծ քաղաքներ կամ արտասահման՝ հիմնականում աշխատանք գտնելու եւ սովորելու համար:

Ինչեպոս տեղեկացնում է NEWS.am-ի թղթակիցը Վաքըֆլըից,  գյուղապետ Պերճ Քարթունը հայ եւ թուրք լրագրողների հետ հանդիպման ժամանակ ներկայացրել է 100 տոկոս հայերով բնակեցված գյուղի խնդիրները: Պերճ Քարթունն անդրադառնալով երիտասարդների զբաղվածության խնդրին, նշել է, թե այն լուծելու համար իրենք կոոպերատիվ են ստեղծել եւ երիտասարդներին ներգրավել դրա աշխատանքների մեջ: «Երիտասարդներին գյուղում պահելու համար անհրաժեշտ է տնտեսություն զարգացնել: Աշխատում են մեծացնել մեր ստեղծած կոոպերատիվի հնարավորությունները: Սակայն ամեն ինչ դանդաղ է առաջ գնում»,-նշել է հայազգի գյուղապետը:

NEWS.am-ի թղթակիցը  գյուղապետից հետաքրքրվել է, թե հայկական գյուղում վերջին հարսանիքը ե՞րբ է եղել, սակայն Պերճ Քարթունը դժվարացել է հիշել՝ խնդրելով համագյուղացիներին` հուշել իրեն: Ցավոք, համագյուղացիները եւս հստակ չեն կարողացել նշել, թե երբ է տեղի ունեցել: «Հստակ չեմ հիշում, պետք է մատյանի մեջ նայեմ: Կարծում եմ՝ 5 տարի առաջ էր»,-ասել է գյուղապետը՝ դժվարանալով հիշել նույնիսկ, թե ում են վերջին անգամ ամուսնացրել:

Քարթունը շեշտել է, որ գյուղի բնակչությունը գնալով նվազում է՝ նշելով, որ գյուղն ունի 135 բնակիչ, սակայն 10 տարի առաջ այդ թիվն անցնում  էր 180-ից:  «Վերջին 2 տարում գյուղում ծննուդներ չեն գրանցվել, սակայն նախորդ շաբաթվա ընթացքում 2 մահ է գրանցվել: Գյուղի երիտասարդ տղաները չեն ամուսնանում, աղջիկ չկա: Հայաստանցի աղջիկները չեն ցանկանում ամուսնանալ Թուրքիայում ապրող հայերի հետ, իսկ ստամբուլահայերը չեն ցանկանում գյուղ տեղափոխվել»,-նշել է գյուղապետը:

Անդրադառնալով գյուղի մշակույթային եւ կրթական կյանքին, Պերճ Քարթունը ցավով նշել է, որ երեխաները հայերեն են սովորում ընտանիքում կամ Ստամբուլից իրենց գյուղ եկող Հայոց պատրիարքարանի ներկայացուցիչներն են նրանց հետ զբաղվում հայերենի ուսուցմամբ: «Գյուղի երեխաների համար ստեղծել ենք մանկական երգչախումբ, նրանց հայկական երգեր ենք սովորեցնում: Նրանք մասնակցում են գյուղի եկեղեցում իրականացվող պատարագներին»,-ընդծել է Պերճ Քարթունը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Չավուշօղլուն Հայոց պատրիարքի ընտրության հետ կապված Էջմիածնին կոչ է արել համբերատար լինել
Թուրքիայի ԱԳ նախարարի հետ հանդիպմանը քննարկվել է Պոլսո հայոց պատրիարքի ընտրության հետ կապված խնդիրները...
Կարո Փայլանն ու Արամ Ա կաթողիկոսը քննարկել են հայ-թուրքական հարաբերությունները
Նշված հարցերով Կարո Փայլանը անհրաժեշտ տեղեկություններ է փոխանցել Վեհափառ Հայրապետին, միաժամանակ հայտնելով նաև իր տեսակետները...
Առաջադրվել պատրաստվող Քամիլա Հարիսը աջակցում է Հայոց Ցեղասպանության ճանաչումը
Հարիսը պաշտպանում էր Հայոց ցեղասպանությանը վերաբերող օրինագծերն ընդունելու իրավունքը, ինչպես նաեւ ցեղասպանությունը վերապրած հայկական ծագմամբ ամերիկացիների՝ ապահովագարական վճարներ ստանալու իրավունքը...
Հրանտ Դինքը երկու բան արեց, որը լցրեց թուրքերի համբերության բաժակը. Տիրան Լոքմագյոզյան
Զգուշացրեցին, որ մեր երկում փողոցներում կան լիքը մարդիկ, որ գժեր են, որոնք կարող են վատություն անել, ավելի լավ է՝ զգուշացեք: Դա, իհարկե, բաց զգուշացում ու սպառնալիք էր...
Դինքը Գրիգոր Զոհրապից 100 տարի հետո խոսեց ու կայծակները քաշեց իր վրա. թուրքերը դրան սովոր չէին. Տիրան Լոքմագյոզյան
Դա չտեսնված բան էր Թուրքիայի մեջ, եւ թուրքերը սովոր չէին դրան...
Մինչեւ Էրդողանը Թուրքիայում հայերը վախենում էին ասել, որ իրենք հայ էին. Մարգար Եսայան
Թուրքիայի մշակույթի եւ տուրիզմի նախարարությունը տարվա հատուկ մրցանակ...