Սոցցանցերը ֆեյք տեսահոլովակներ են հայտնվել Բեյրութի հզոր պայթյունից:
Կադրերը, որոնք նկարահանել են CNN-ը, ինչպես նաեւ ականատեսները, այլ կերպ են ներկայացվել: Բացի այդ, տեսանյութում տեղադրվել է հրթիռանման օբյեկտ:
Մշակված կադրերի մի մասը վերցվել է Բեյրութ CNN-ի սոցիալական մեդիայի պրոդյուսեր Մեհսեն Մեհթֆեի ֆեյսբուքյան էջից: «Շատերը ինձ դիմում էին եւ ասում, որ դա ֆեյք է»,-ասել է նա՝ նշելով, որ դա իր տեսանյութն է, որում հրթիռանման օբյեկտ չկա:
«Կարող եմ ասել, որ որեւէ հրթիռ չեմ տեսել եւ ձայն չեմ լսել»,-հավելել է նա:
Մշակված կադրերը կարելի է գտնել բոլոր հիմնական սոցցանցերում՝ Facebook, Instagram, Twitter, YouTube եւ TikTok:
Հեռուստաալիքը դիմել է սոցցանցերին՝ խնդրելով մեկնաբանել կեղծ տեսանյութերը, սակայն պատասխան է ստացել միայն TikTok-ից եւ YouTube-ից:
TikTok-ում հայտնել են, որ երբ իմացել են այդ տեսանյութի մասին, անմիջապես ջնջել են, քանի որ դա խախտում է սոցցանցի քաղաքականությունը:
YouTube-ում եւս հայտնել են, որ ջնջել են տեսանյութը:
BBC-ն եւս հայտնել է մեծ թվով ֆեյք լուսանկարների եւ տեսանյութերի, ինչպես նաեւ դավադրության տեսությունների մասին: Վիրուսային թվիթների հեղինակները առաջ են քաշել ատոմային ռումբի մասին հիպոթեզը:
Միայն մեկ նման թվիթը, որն այժմ ջնջված է, ռեթվիթ են արել հաստաված էջում, որն ունի ավելի քան 100 000 հետեւորդ:
Նաեւ լուրեր են տարածվել, թե պայթյունը Իսրայելի կողմից հասված հարվածի արդյունք է:
Հայտնվել են նաեւ լուսանկարներ 2018 թվականին ՄԱԿ-ի ԳՎ-ում Իսրայելի վարչապետ Բենյամին Նեթանյահուի ելույթից, որում նա, իբր, քարտեզի վրա ցույց է տալիս ներկայիս պայթյունի վայրը:
Սոցցանցերում որոշ գրառումներ անհիմն պնդումներ են պարունակում, օրինակ՝ իբր, Դոնալդ Թրամփն ասել է, որ ԱՄՆ-ը նախապես զգուշացում է ստացել պայթյունի մասին: