Ազգային ժողովի այգում՝ այսօր՝ օգոստոսի 18-ին, Ամուլսարի պահապաններն իրենց երեխաների հետ զբոսնում են՝ հանուն Ամուլսարի եւ Ջերմուկի պահպանության։
«Մեր երեխաները պետք է ապրեն առողջ միջավայրում, խմեն մաքուր ջուր, հանգստանան Ջերմուկի առողջավայրում։ Ջերմուկից ընդամենը 7 կմ հեռավորության վրա գտնվող Ամուլսարը հանքի վերածելու պարագայում Ջերմուկը՝ որպես առողջարանային համալիր եւ տուրիստական կենտրոն, կվերանա։ Միեւնույն տարածքում հանքի եւ առողջավայրի մեկտեղումը անթույլատրելի է»,- ասում են պահապանները։
Նրանք կոչ են անում գալ ԱԺ այգի երեխաների հետ, ցանկության դեպքում՝ մանկասայլակներով, հեծանիվներով, սքեյթբորդներով կամ չմուշկներով. «Միասին կզբոսնենք, կխոսենք մեդիաների հետ առողջ միջավայր ունենալու եւ առողջության իրավունքների մասին։ Այսօրվա կայացրած որոշումները ազդելու են մեր ապագա սերունդների վրա»։
