Հայկական կողմը ստուգում է Ադրբեջանում Աֆրինից եւ Ազազից թուրք վարձկանների տեղակայման մասին տեղեկությունը: Այս մասին այսօր՝ սեպտեմբերի 2-ին, մամուլի ասուլիսի ժամանակ հայտարարեց ՀՀ ԱԳՆ մամուլի խոսնակ Աննա Նաղդալյանը:
Նրա գնահատմամբ՝ նշված տեղեկությունը մտահոգություն է առաջացնում: «Նման սպառնալիք կա՝ հատկապես հաշվի առնելով ահաբեկիչների մատակարարման Թուրքիայի փորձը»,-նշեց նա:
Նաղդալյանը հաստատեց Թուրքիայի կողմից Հայաստանի նկատմամբ միջազգային պարտավորությունների շարունակվող խախտումները: «Շարունակելով Հայաստանի շրջափակումը՝ Թուրքիան խախտում է դեպի ծով ելք տրամադրելու մասով միջազգային պարտավորությունները»,-ընդգծեց ԱԳՆ մամուլի խոսնակը: