News
Լրահոս
News
Հինգշաբթի
Հոկտեմբեր 22
USD
494.37
EUR
585.48
RUB
6.41
ME-USD
0.01
Տեսնել լրահոսը


Մինչեւ 2050 թվականի ռազմավարության գաղափարը հիմնված է ազգային արժեքների, ազգային նպատակների, հանրային պահանջարկի վրա: Այս մասին, այսօր՝ սեպտեմբերի 21-ին, ներկայացնելով ռազմավարությունը նշեց ՀՀ վարչապետ Նիկոլ Փաշինյանը:

«Ամենակարեւոր գաղափարը վերջերս ընդունված ազգային անվտանգության ռազմավարությունն է, որի առաջաբանում մենք արձանագրել ենք, թվարկել ենք մեր ազգային արժեքները:

Առաջին այդպիսի արժեքը հայոց պետականությունն է, որը մեզ հնարավորություն է տալիս մեր ճակատագրի վերաբերյալ կայացնել որոշումներ: Երկրորդ առաջնորդող արժեքը համարում ենք կրթությունը, որովհետեւ կրթությունն է միակ գործիքը, որ հնարավորություն է տալիս ճանաչել մեր խնդիրները եւ գտնել լուծումները: Հաջորդ առանցքային արժեքը անհատն է, քանի որ անհատն է միակ սուբյեկտը, որ ձեւավորում է ընտանիք, ձեւավորում է հանրություն, ժողովուրդ ու պետություն: Եվ վերջապես չորրդ արժեքը աշխատանքն է:

Ազգային այդ գաղափարների հիմքում դրված են մեր ազգային նպատակները: Այդ նպատակներից առաջինը հայկական պետականության հավիտենականություն է: Հաջորդը ՀՀ քաղաքացու արժեւորումն է: Ի վերջո, ինչի՞ համար է պետականությունը, այն ՀՀ քաղաքացիների բարեկեցության, անվտանգության, ազատության ու երջանկության ապահովումն իրականացնելու համար է:

Հաջորդը հայ ժողովրդի ինքնության պահպանումն ու զարգացումն է, ներառյալ ազգային ինքնության վերականգնումը ազգային գիտակցությունից հեռացած կամ հեռացողների շրջանում, հայության շրջանում հայոց լեզվի իմացության մակարդակի եւ ՀՀ քաղաքացիություն ունեցողների թվի էական մեծացնելու  շնորհիվ»,-ասաց նա:

Փաշինյանը ընդգծեց, որ հանրային պահանջը հետեւյալն է. ՀՀ քաղաքացիներն ուզում են ապրել Հայաստանում եւ ապրել երջանիկ: Այն Հայաստանում, որը կլինի անվտանգ, արդար, ազատ, արժանապատիվ եւ առաջադեմ: Նա դա անվանեց «5 Ա-երի սկզբունք»:

Այնուհետեւ Փաշինյանը ներկայացրեց մինչեւ 2050 թվականի ռազմավարության տեսլականը. «Առաջին՝ ՀՀ բնակչությունը հասցնել մինչեւ առնվազն 5 մլն-ի, ստեղծել 1,5 մլն աշխատատեղ, հաղթահարել աղքատությունն աշխատանքով, 20-ապատկել Հայաստանի ՀՆԱ-ն, 7-նապատկենք միջին աշխատավարձը: Այսօր կան բազմաթիվ մարդիկ, որոնք իրենց աշխատանքով ի վիճակի չեն հոգալ իրենց ծախսերը:

Հաջորդը մինչեւ 2050 թվականը ունենանք մեկ շնչի հաշվով աշխարհի ամենամարտունակ բանակը, ունենանք աշխարհի 10 ամենաարդյունավետ հետախուզական ծառայություններից մեկը, սովորելը դարձնենք ազգային ապրելակերպ, բուհերի միջազգային վարկանիշի առաջին 200-յակում տեղ գտնի առնվազն 3 հայկական բուհ, Հայաստանը դարձնենք բարձր տեխնոլոգիական արդյունաբերության երկիր: Ունենանք 10 մլրդ դոլար եւ ավելի արժեքով առնվազն 5 տեխնոլոգիական ընկերություն եւ առնվազն 10 հազար աշխատող ստարտափ:

Ունենանք առողջ շրջակա միջավայրով, կլիմայադիմացկուն եւ էներգաարդյունավետ  Հայաստան: Նվաճենք 25 օլիմպիական ոսկե մեդալ: Ֆուտբոլի հավաքականը դարձնենք աշխարհի կամ Եվրոպայի մեդալակիր: Նվաճենք շախմատի աշխարհի անհտական չեմպիոնի կոչումը: Հայաստան այցելով զբոսաշրջիկների թիվը հասցնենք 15 մլն-ի»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանում մարդկանց որոշակի խմբերի վարկային պարտքերը կարող են ներվել
Առաջարկվում է բանկերին եւ վարկային հաստատություններին հնարավորություն տալ առանց որեւէ հարկային հետեւանքի ներել այն անձանց վարկային պարտավորությունները, ովքեր զոհվել կամ հաշմանդամ են դարձել ռազմական գործողությունների արդյունքում...
ՀՀ ԱԺ-ն երկրորդ ընթերցմամբ քննարկել է հարկային արտոնությունները պետության օգտին գնվող ապրանքների համար
Հետագայում կառավարությունը կհաստատի ապրանքների ցանկը, որոնք անհրաժեշտ են պետությանը, որոնք կընդունվեն որպես նվիրատվություն․․․
2020 թվականի սեպտեմբերին գրանցվել է աշխատատատեղերի ամենաբարձր ցուցանիշը. ՊԵԿ
Հարկային մարմինն իր գոհունակությունն է հայտնում շարունակաբար կարգապահ վարքագիծ դրսեւորող հարկ վճարողներին եւ ողջունում՝ ստվերային տնտեսության կրճատման…
Բանկերը կներեն մարտերում զոհված կամ հաշմանդամություն ստացած անձանց վարկային պարտավորությունները
Ռազմական դրության պայմաններում ՀՀ-ում մի շարք ապրանքների ներմուծումը ԵԱՏՄ անդամ երկրներից կպարզեցվի
Բացի այդ, ռազմական դրության ընթացքում կկարգավորվեն նաեւ անվճար հիմքով երկիր մատակարարվող ապրանքների մակնշման հետ կապված հարաբերությունները...
ԱԺ-ն արտահերթ նիստ է հրավիրել. օրակարգում ռազմական դրության ընթացքում հարկային արտոնությունների հարցն է
Ֆինանսների նախարարի տեղակալ Արման Պողոսյանն ասաց, որ նախագծերի ընդունման հրատապությունը պայմանավորված է հայտարարված ռազմական դրությամբ և երկրում ստեղծված իրադրությամբ...
Ամենաշատ