News
Լրահոս
News
Ուրբաթ
Հոկտեմբեր 23
USD
494.01
EUR
585.25
RUB
6.47
ME-USD
0.01
Տեսնել լրահոսը

«Բավակա'ն է»,- գրել է ֆրանսիական Բուրգ-լե-Վալանս քաղաքի քաղաքապետ Մարլեն Մուրիեն իր ֆեյսբուքյան գրառման մեջ` հայտնելով, որ օգոստոսին սպառնալիքներ է ստացել ադրբեջանցիների կողմից: Նա նաեւ նշել է, որ օգոստոսի վերջին երեք ադրբեջանցի «կամակատար» ներխուժել էր քաղաքապետարան` պահանջելով հանել Արցախի դրոշը:

 «Երբ բանը հասնում է իմ հասցեին սպառնալիքներին եւ ահաբեկումներին, Ադրբեջանը բարձրունքի վրա է: 2014 թվականին ինձ սեւ ցուցակում ներառելուց հետո նրանք 2016-ին քաղաքապետարան գործակալ ուղարկեցին` պահանջելով դադարեցնել բոլոր բարեկամական հարաբերություններն Արցախի Շուշի քաղաքի բնակիչների հետ: Դա 2018 թվականն էր, երբ ես ստիպված էի բախվել Ադրբեջանի պետության կողմից վարչական դատարան ներկայացրած հայցադիմումին` բարեկամության կանոնադրությունն անվավեր ճանաչելու վերաբերյալ, որը ես ստորագրել էի 2014 թվականի հոկտեմբերի 5-ին Շուշի հետ»,- ասել է Մուրյեն` հիշելով Բաքվի ողմից վախեցնելու անթիվ փորձերը եւ դրա գործակալներին:

Մուրյեն պարզ հասկացրել է, որ, չնայած Բաքվի մարտահրավերներին եւ սպառնալիքներին, Շուշիի հետ բարեկամության խարտիան շարունակում է ուժի մեջ մնալ:

«Այսօր ես կրկին սպառնալիքների եւ ահաբեկումների թիրախ դարձա, որոնց առջեւ չեմ ընկրկի` էլ չասած Բաքվում բռնապետի կամ Թուրքիայում նրա դաշնակիցների մասին:

Օգոստոսի 25-ին քաղաքապետարանի մոտ երեք ադրբեջանցի կամակատար էր եկել` հայտարարելով, որ մեկ ժամվա ընթացքում Արցախի դրոշը պետք է հանվի, որը ծածանվում է մեր քույր քաղաքների դրոշների հետ միասին»:

Նա հավելել է, որ դեպքից 15 րոպե անց Ադրբեջանի դեսպանատան ներկայացուցիչը զանգահարել էր իր տեղակալին եւ փորձել վախեցնել նրան` պահանջելով իջեցնել Արցախի դրոշը:

«Ադրբեջանը, Ալիեւը եւ նրա համախոհները պետք է համակերպվեն այն մտքի հետ, որ ընկերությունը չի կարող չեղյալ համարվել, և որ Բուրգ-լե-Վալանսի բնակիչները մեծ հարգանք ունեն Շուշիի բնակիչների եւ ընդհանրապես Արցախի ժողովրդի նկատմամբ»,- ընդգծել է Մուրյեն:

«Այստեղ` Ֆրանսիայում, Բուրգ-լե-Վալանսում, Արցախի դրոշի ցուցադրումը ժողովրդի հետ համերաշխության ակտ է, որին Ադրբեջանն ամեն օր սպառնում է ոչնչացմամբ` աշխարհին ցույց տալով, որ իր միակ հայտարարված նպատակը 1915 թվականի Հայոց ցեղասպանությունն ավարտին հասցնելն է, որի երեկվա իրագործողներն այսօրվա նրանց դաշնակիցներն են:

Ոչ Բուրգ-լե-Վալանսը, ոչ էլ դրա քաղաքապետ Մարլեն Մուրյեն չեն ենթարկվի Բաքվի բռնապետության հրամաններին»,- եզրափակել է նա:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Ժողովուրդ». Ինչ սպասել արտգործնախարարների՝ ԱՄՆ այցից. Պոմպեոյի ուղերձները
Ընդ որում, երեկ լրագրողների հետ զրույցում ԱՄՆ պետքարտուղարը հայտնել է, որ բարդ է իրավիճակը ոչ միայն...
«Իրատես». Ինչու Հայաստանի կողմից Արցախի ճանաչման հարցը պաշտոնական տեսք չի ստանում
Ասում են նաեւ, թե այս հարցում իշխանության ներսում էլ կարծիքները կիսվում են. ոմանք կարծում են, թե...
Ադրբեջանին պետք է վերջնագիր ներկայացվի՝ կամ դադարեցնում է պատերազմը, կամ համանախագահները ճանաչում են Արցախը. Բեքարյան
Պետությունների եւ միջազգային կառույցների կողմից անհապաղ պետք է սկսի եւ թափ առնի Արցախի անկախության ճանաչումը...
«Հրապարակ». Նիկոլ Փաշինյանը բացեց փակագծերը, թե ինչ են խոսել փակ հանդիպումների ժամանակ
Այս ամենով հանդերձ՝ Նիկոլ Փաշինյանը երեկ այլընտրանքային լուծում...
Ավստրալիայի Նոր Հարավային Ուելս նահանգի Օրենսդիր ժողովը պաշտոնապես ճանաչել է Արցախի անկախությունը
Նշվում է, որ Արցախի Հանրապետությունը ճանաչվել է 61 կողմ և 2 դեմ ձայների հարաբերակցությամբ...
Արմեն Սարգսյանն աշխատանքային այցով մեկնել է Բրյուսել. հանդիպելու է Յենս Ստոլտենբերգի, Ժոզեպ Բորելի հետ
Հանդիպումները տեղի են ունենալու նախագահ Սարգսյանի նախաձեռնությամբ...
Ամենաշատ