Ճամփորդական գործակալների հայկական միությունը սկսել է զբոսաշրջիկներին առաջարկել տարածաշրջանային տուրփաթեթներ, որտեղ ընդգրկված են եւ Հայաստանը, եւ Ադրբեջանը: Այդ մասին NEWS.am-ին հայտնեց Միության փոխնախագահ Եղիշե Թանաշյանը: Նրա խոսքով` այդ առաջարկները զբոսաշրջիկների մոտ մեծ պահանջարկ են վայելում:
Ըստ Ե. Թանաշյանի` Հայաստանը պետք է ձգտի առավելագույնս զարգացնել տարածաշրջանային զբոսաշրջությունը` համագործակցելով Վրաստանի, Ադրբեջանի, Թուրքիայի եւ Ռուսաստանի հետ: «Սա զբոսաշրջության ապագան է, ներկայում արդեն զբոսաշրջիկների մոտ 30 տոկոսը Հայաստան է այցելում տարածաշրջանային փաթեթներով»,- ասաց Ե. Թանաշյանը:
