Եվրամիության պետությունների եւ կառավարությունների ղեկավարները դեկտեմբերին կայանալիք գագաթնաժողովում որոշում կընդունեն Թուրքիայի նկատմամբ հետագա քաղաքականության վերաբերյալ, որի սադրիչ գործողությունները Միջերկրական ծովում անընդունելի են։ Այս մասին այսօր հայտարարել է Եվրոպական խորհրդի ղեկավար Շառլ Միշելը Բրյուսելում ԵՄ գագաթնաժողովի արդյունքներով մամուլի ասուլիսում, փոխանցում է ՏԱՍՍ-ը։
«Մենք նախատեսում ենք դեկտեմբերին գագաթնաժողովում կրկին գնահատել Միջերկրական ծովում իրավիճակը եւ Թուրքիայի միակողմանի գործողությունները, որոնք անընդունելի են։ Հետեւելու ենք այս մոտեցմանը»,- ասել է նա՝ պատասխանելով այն հարցին, թե Բրյուսելն արդյոք նախատեսո՞ւմ է վերանայել Թուրքիայի նկատմամբ քաղաքականությունը մինչեւ դեկտեմբերի գագաթնաժողովը։