«Ես չեմ տեսնում, որ Ադրբեջանում առաջընթաց արձանագրվի ժողովրդավարության գերակայության եւ մարդու իրավունքների հարցերում»: Այդ մասին հայտարարել է Ադրբեջանում Եվրամիության ներկայացուցչության ղեկավար, դեսպան Ռոլան Կոբիան Բաքվում կայացած մամուլի ասուլիսում, հաղորդում է SalamNews-ը:
«Անհրաժեշտ է ազատել դատապարտված լրագրողներին, պայմաններ ստեղծել ազատ ընտրությունների, մամուլի ազատության եւ հավաքների համար: Այդ կապակցությամբ Եվրամիությունը դիմել է Ադրբեջանի կառավարությանը: Եթե Ադրբեջանը չկատարի իր ստանձնած պարտավորությունները, ԵՄ-ն կարող է կրճատել օգնությունը երկրին»,- ասել է Կոբիան:
Դեսպանը նշել է, որ դա վերաբերում է ոչ միայն Ադրբեջանին, այլեւ ԵԽ մյուս բոլոր անդամներին: