Ազգային ժողովի այգում 1999 թ. հոկտեմբերի 27-ի ոճրագործության զոհերի հիշատակը հավերժացնող հուշակոթողի մոտ այսօր տեղի է ունեցել հիշատակի արարողություն:
ԱԺ պատգամավորները եւ հոկտեմբերի 27-ի հարազատները հերթով մոտեցան հուշակոթողին եւ ծաղիկներ դրեցին:
Միջոցառումից հետո Հոկտեմբերի 27-ի զոհերից Արմենակ Արմենակայնի կինը լրագրողների հետ զրույցում ասաց. «Ամեն տարի այս օրը մենք հիշում ենք կարծես այդ բոթին տեղեկանալու առաջին օր: Այն ցնցեց բոլորիս ընտանիքները: Դա մեծ ահաբեկչություն, ոճրագործություն էր, որը մեր պատմության մեջ գրվեց որպես ամոթալի էջ սեւ տառերով:
Նա հիշեցրեց արցախյան առաջին պատերազմի տարիները, երբ Արմենակ Արմենակյանը «Տիգրան մեծ» ջոկատով կարողացավ հաղթահարել այդ դժվարին տարիները եւ բոլորի հետ հաղթանակով վերադարձավ. «սակայն ցավոք սրտի, մի քանի ստահակների ձեռքով գլխատվեց մի ողջ ժողովուրդ, որբացավ 8 ընտանիք: Մինչեւ հիմա առեղծված է Արմենակ Արմենակյանի սպանության վարկածը: Արմենակը չէր կարող միջանցքում հանգիստ նստել՝ լսելով կրակոցներ: Կա վարկած, որ ինքը այդտեղ չի եղել, եղել է ճաշարանում, բայց այդ 5 հոգուց եղել են այլ մարդիկ, որոնք գուցե վախից դրդված, որ Արմենակ Արմենակյանը տեսել է իրենց, եւ կուլ չէր տա, վրեժխնդիր կլիներ, վախից նրան սպանել են: գուցե ինքը ծրագրի մեջ չի եղել»:
Անդրադառնալով «Հոկտեմբերի 27»-ի շուրջ վարկածներին, Արմենակյանի կինն ասաց. «Մեր փաստաբանների կողմից անընդհատ հնչեցվել է այն վարկածը, որ միայն իրենք չէին, իրենց պետք չէր դա: Մեզ էլ է հուզում այդ հարցը եւ մենք դիմել ենք նոր կառավարությանը, որպեսզի բացահայտվի, վերաբացվի այդ գործը եւ, ի վերջո, մենք կարողանանք հասկանալ, թե ովքեր էին կանգնած նրանց թիկունքում: Կառավարությունից ասել են՝ համբերեք, սպասեք: Ինչպես են կարողացել այդքան զենք-զինամթերք մտնցել Ազգային ժողով, ինչպես են իրենք անարգել մտել: Այդ ամենը առեղծված է: Առավելեւս Արմենակ Արմենակյանի սպանությունն առեղծված է: Ես ակնկալում եմ, որ նոր կառավարությունը… գուցե այս ռազմական դրությունն անցնի, միգուցե մենք կանանցով նորից կդիմենք մեր ղեկավարությանը: Գուց եմի բան փոխվի: Ես մտածում եմ, որ այդ 8 ղեկավարները հենց այսօր էին պետք՝ պատերազմի ժամանակ, որովհետեւ նրանք թրծված էին պատերազմական թոհուբոհում»: