2021 թվականին նախատեսվում է ընդհանուր 177.6 միլիարդ դրամ հատկացնել կրթության, գիտության, մշակույթի եւ սպորտի կարիքների համար: Այս մասին Հայաստանի Ազգային ժողովում ֆինանսավարկային եւ բյուջետային հարցերի, ինչպես նաեւ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական խորհրդարանական հանձնաժողովների համատեղ նիստին ասաց ՀՀ ֆինանսների նախարար Ատոմ Ջանջուղազյանը:
Աճը, ըստ նրա, 2019-ի համեմատ 10 տոկոս կամ 16.6 մլրդ դրամ կկազմի: Ընդ որում, 2020-ի համեմատ, կրթության, գիտության, մշակույթի եւ սպորտի նախարարության կարիքների համար ծախսերը նվազել են 2 միլիարդ դրամով:
Նախատեսվում է իրականացնել ընդհանուր 21 միջոցառում:
