Անկարայի գլխավոր դատախազությունը միջնորդություն է ներկայացրել թուրք ընդդիմադիր քաղաքական գործիչ, Հանրապետական ժողովրդական կուսակցության առաջնորդ Քեմալ Կիլիչդարօղլուին խորհրդարանական անձեռնմխելիությունից զրկելու մասին, գրում է Ahval-ը՝ հղում անելով թուրքական ԶԼՄ-ներին:
Հանձնաժողովը, որի կազմում են Ազգային շարժման կուսակցության, ինչպես նաեւ կառավարական կոալիցիայի ներկայացուցիչները, Կիլիչդարօղլուի դեմ առաջադրել են մեղադրանքներ նրա կատարած 10 հանցագործությունների առնչությամբ:
Դատախազության կարծիքով՝ այդ 10 հանցագործություններից յոթում կան հանցավոր տարրեր:
Մասնավորապես, նշված հանցագործություններում Կիլիչդարօղլուն հայտարարում է, որ կառավարությունը քաղաքականացրել է դատական համակարգը:
Նա նաեւ դատապարտում է քուրդ քաղաքապետերի հրաժարականն ու քուրդ քաղաքական գործիչ Սելահաթին Դեմիրթաշի ձերբակալումը:
Կիլիչդարօղլուի անձեռմխելությունը հանելու մասին միջնորդությունն ուղղվել է խորհրդարանի խոսնակին, սակայն դրա ուժի մեջ մտնելու համար անհրաժեշտ է անցկացնել քվեարկություն, որը չի կայանա, քանի դեռ օրենսդիրները չեն որոշել ներառել այն օրակարգում: