Նիկոլ Փաշինյանի հրաժարականի պահանջող քաղաքացիները փակել են նաեւ Մաշտոցի պողոտան՝ Փաշ շուկայի մոտ: Այստեղ էր ՀՀԿ երիտասարդական թեւի ղեկավար Հայկ Մամիջանյանը, ով բարձրախոսով կարգախոսներ էր հնչեցնում եւ պահանջում Նիկոլ Փաշինյանի հրաժարականը:
Ոստիկանները նրան բվերման ենթարկեցին:
Այստեղ ժամանած ոստիկանները էվակուատորով տարան փողոցը փակած մեքենաներից մեկը:
Ի վերջո ոստիկաններին հաջողվեց բացել պողոտան:
Հիշեցնենք, որ արդեն երկրորդ օրն է՝ Նիկոլ Փաշինյանի հրաժարականը պահանջող քաղաքացիները Երևանի տարբեր վարչական շրջաններում փակում են փողոցները, ինչի ընթացքում տասնյակ ցուցարարներ բերման են ենթարկվել։ Այսօր նմանատիպ ակցիաներ տեղի են ունեցել նաև Գյումրիում։