News
Լրահոս
News
Չորեքշաբթի
Հունվար 20
USD
519.31
EUR
629.4
RUB
7.04
ME-USD
0.01
Տեսնել լրահոսը

«Փաստ» օրաթերթը գրում է. «Ինչպես և կանխատեսել էին մի շարք տնտեսագետներ ու ֆինանսիստներ, հետպատերազմյան շրջանում Հայաստանի առջև միանգամից ծառացան մի շարք խնդիրներ, որոնցից լրջագույնը ներկայումս աչքի զարնող տնտեսական պրոբլեմներն են, այդ թվում՝ դրամի կտրուկ արժեզրկումը։ Նշենք, որ դրամի արժեզրկման գործընթացի որոշակի ակտիվացում էր նկատվել նաև ամռան երկրորդ կեսին, սակայն այն, ինչ տեղի ունեցավ վերջին 3-4 օրվա ընթացքում, շոկային էր Հայաստանի գերզգայուն ու փխրուն տնտեսության համար։ Դոլարի գինը բարձրացավ 25-30 դրամով, ինչն, ըստ մասնագետների, ուղղակիորեն դոմինոյի էֆեկտով հանգեցնելու է ապրանքների 20-25 տոկոսով թանկացմանը։

Ներկայումս դոլարի փոխարժեքը կազմում է 520-522 դրամ։ «Փաստ» թերթի տեղեկություններով, այս օրերին ԿԲ-ն լծված է դոլարի կուրսի զսպմամբ։ Մասնավորաբար, մեր աղբյուրը փոխանցել է, որ իրականում դոլարի փոխարժեքը ներկայումս տատանվում է 575-580 դրամի սահմանում, իսկ ԿԲ-ի կողմից օրական ծախսվում է մոտ 100 հազար դոլար, որպեսզի կարողանան զսպել դոլարի «թռիչքը»։ «Փաստի» հետ զրույցում Աուդիտորների պալատի նախագահ Նաիրի Սարգսյանը նշեց, որ այս վիճակն ուղղակիորեն ազդելու է գների վրա:

«Մենք ավելի շատ ներմուծվող ապրանք ենք սպառում, և նշված միտումները ուղղակի չեն կարող չազդել այդ ապրանքների գնաճի վրա: Դրա հետևանքով աղքատության մակարդակը բարձրանալու է»,-ասաց Սարգսյանը՝ միևնույն ժամանակ հավելելով, որ այս կառավարությունից միակ ու առավելագույն սպասելիքը, որը կա, «հանցավոր անգործությունն է, եթե, իհարկե, չդիտարկենք ոչ նպատակաուղղված կամ անգրագիտության արդյունքում տարվող ավելի վատ տնտեսական քաղաքականությունը»:

Առավել մանրամասն՝ թերթի այսօրվա համարում

!
Այս նյութը հասանելի է նաև   English
Տպել
Կարդացեք նաև
Ամբողջը
Փորձագետ. 2020թ․ Հայաստանի տնտեսական անկումը դրամական արտահայտությամբ կազմել է շուրջ 1 միլիարդ դոլար
Նա բացատրեց, որ եթե 2019-ին Հայաստանի ՀՆԱ-ն կազմել է 13,6 մլրդ դոլար, ապա 2020-ին այդ ցուցանիշը (երբ Ազգային վիճակագրական կոմիտեն կհրապարակի ամբողջ 2020 թվականի տվյալները - խմբ.) կլինի մոտ 12,5 մլրդ դոլար․․․
էկոնոմիկայի նախարարը հանդիպում է ունեցել Սյունիքի մարզպետ Մելիքսեթ Պողոսյանի, ապա նաեւ մարզի գործարարների հետ
Քննարկվել են մարզի տնտեսական, այդ թվում նաև գյուղատնտեսական խնդիրները…
Դոլարի փոխարժեքը շարունակում է նվազել. եվրոն նույնպես էժանացել է
Թանկարժեք մետաղների համար բանկի կողմից սահմանվել են հետեւյալ գները...
ՏՄՊՊՀ-ն գնաճի հետ կապված ուսումնասիրություն է անցկացնում
Նրա խոսքով՝ հաշվարկները իրականացվում են՝ ելնելով հումքի, ներմուծվող երկրներից ապրանքների գներից...
Իշխող «Իմ քայլը» դաշինքի պատգամավորը խոստովանեց, որ չի հաղթահարել իր առջեւ դրված խնդիրը
Փաստացի այս քննիչ հանձնաժողովը ստեղծվել է միայն մեկ հանքարդյունաբերական ընկերության ներդրումային ցուցանիշները պարզելու համար...
Հայաստանում հանքարդյունաբերության որոշ ընկերություններ շահութահարկ չեն վճարել. պատգամավոր
Այսինքն՝ ստացվում է, որ այդ հանքավայրերի ղեկավարությունը վնասով է աշխատում, սակայն ինչ-որ կերպ միջոցներ է գտնում այս կամ այն...
Ֆոտոռեպորտաժներ