Այսօր երևանյան բակերից մեկում խաղաղ ակցիա մասնակիցների վրա հարձակում են գործել մի քանի անձինք և ենթարկել բռնության: Մասնավորապես տեսանյութը փաստում է, որ հարվածել են ակցիայի մասնակիցներին, հայհոյել, քաշքշել և վնասել ակցիայի պաստառները: Այս մասին ֆեյսբուքյան իր էջում գրել է ԱԺ «Լուսավոր Հայաստան» խմբակցության պատգամավոր Անի Սամսոնյանը՝ կցելով իմքայլական պատգամավոր Կորյուն Մկրտչանի հրաժարականը պահանջող խաղաղ ակցիայի ժամանակ Ռեֆորմիստների կուսակցության անդամների և ակտիվիստների վրա կատարված հարձակման տեսանյութը:
Անի Սամսոնյանը դիմել է ՀՀ ոստիկանությանը և պահանջել, որպեսզի բռնություն գործադրողները ենթարկվեն պատասխանատվության:
«Կանխատեսելի է, որ հանրության մեջ ծայրահեղ սրված անհանդուրժողականությունը և ատելությունը կարող է հանգեցնել նման միջադեպերի, որը եթե իրավապահ մարմինները չկանխարգելեն` պատժելով մեղավորներին, կդառնա ավելի հաճախակի:
