News
Լրահոս
News
Ուրբաթ
Հունվար 22
USD
518.89
EUR
629.98
RUB
7.05
ME-USD
0.01
Տեսնել լրահոսը

Օրերս Մոսկվա էր մեկնել պատվիրակությունը՝ ի դեմս ՀՅԴ Բյուրոյի եւ Հայաստանի ԳՄ-ի ներկայացուցիչների։ «Փաստինֆո»-ի հարցերին է պատասխանում ՀՅԴ Հայաստանի ԳՄ ներկայացուցիչ Իշխան Սաղաթելյանը։

Պարո՛ն Սաղաթելյան, աշխատանքային այցով մեկնել էիք Մոսկվա:Ո՞րն էր այցի նպատակը, ի՞նչ հանդիպումներ եք ունեցել և ի՞նչ պայմանավորվածություններ են ձեռք բերվել

Մոսկվայում հանդիպում ենք ունեցել Պետդումայի պատգամավոր, ՌԴ Պետդումայի ԱՊՀ գործերով, եվրասիական ինտեգրման ու հայրենակիցների հետ կապերի կոմիտեի առաջին փոխնախագահ Զատուլինի, հանդիպել ՌԴ քաղաքական տարբեր շրջանակների հետ, նաև մոսկվայաբնակ հայկական տարբեր կազմակերպությունների և անհատների հետ: Շատ ենք կարևորում այս այցը, իրենց մոտեցումներին ենք ծանոթացել, մեր տեսակետն ենք նաև ներկայացրել: Պայմանավորվածություններ ձեռք չեն բերվել, եղել են քննարկումներ, մի շարք հարցերի վրա նրանց ուշադրությունն ենք հրավիրել՝ սկսած ռազմագերիների խնդրից, վերջացրած Արցախում տեղի ունեցող իրադարձությունները:

Իսկ ի՞նչ պատասխանեցին, ռազմագերիների վերադարձման ուղղությամբ ի՞նչ աշխատանքներ են տարվում:

Ռուս պաշտոնյաները ասացին, որ իրենց հնարավորությունների սահմանում օգտակար կլինեն ռազմագերիների վերադարձման գործընթացին:

Պարո՛ն Սաղաթելյան, տեղի են ունենում գործընթացներ, որոնք չեն բխում նոյեմբերի 10-ին ստորագրված համաձայնագրից, համենայնդեպս, դրանում խոսք չկա GPS-ով սահմաններ գծելու մասին:Մոսկվայում հանդիպման ընթացքում, փորձե՞լ եք հասկանալ՝ ինչ ընթացակարգ է սա:

Մենք ԱԳՆ չենք, որ դետալներով հարցերը քննարկենք, մենք ընդհանուր խոսել ենք խնդիրների մասին, որոնք բազմաթիվ են, ներկայացրել ենք դրանց կարևորությունը և լուծման անհրաժեշտությունը

Պարո՛ն Սաղաթելյան, ունե՞ք այն հարցի պատասխանը, ինչու՞ համաձայնագրում նշված հողերի վերադարձման հստակ ժամանակացույց, սակայն սահմանված չէ ռազմագերիների վերադարձի ժամանակացույցը, ինչի՞ հետևանք է սա:

Մենք գտնում ենք, որ Նիկոլ Փաշինյանը կապիտուլացիայի ստորացուցիչ պայմանագիր է ստորագրել, որը մեզ համար անընդունելի է, նա ինչպես միշտ չի հասկացել այդ փաստաթղթի նշանակությունը:Կան բազմաթիվ հարցեր որ կարող էր այլ կերպ լիներ, բայց ամբողջ խնդիրն այն է, որ այսօր Հայաստանի իշխանությունը՝ Փաշինյանի գլխավորությամբ, ի վիճակի չեն պաշտպանել մեր ժողովրդի և պետության շահերը:Այս օրերերին էլ բազմաթիվ խնդիրներ կան, բայց մենք չունենք կառավարություն, որը կարողանա այդ խնդիրները բարձրացնել, բանակցել և պաշտպանել մեր ժողովրդին, սրանով ՝ պայմանավորված, որ մենք ասում ենք՝ այս ապիկար, ձախողած իշխանությունը րոպե առաջ պետք է հեռանա, որ այս խնդիրները կարողանանք լուծել:

Տպել
Կարդացեք նաև
Ամբողջը
«Հրապարակ»․«Դու ի՞նչ ես հասկանում պետական կառավարումից, բախտդ բերել է, եկել նստել ես էդ աթոռին»․ Ս.Օհանյանը՝ Փաշինյանին
Ինձ ֆեյքերը չեն վախեցնում, մենք պատերազմով անցած մարդիկ ենք...
«Հրապարակ». Վարչապետի խորհրդա­կանը ղեկավարելու է մեկ տասնյակ փոխնախա­րարի, ԱԱԾ տնօրենի տեղակալին, ԶՈՒ ԳՇ պետի տեղակալին
Այսօր արդեն պարզ է, որ այս կառա­վարությունում դա սովորական բան է...
«Հրապարակ». Պատերազմից հետո չի դիմացել, ազատվել է աշխատանքից
Ոչ միայն քաղաքական հայացքների անհամաձայնության, ընդհանուր երկրի, տնտեսության վիճակը, զոհերը, անորոշ ապագան աչքի առաջ ունենալով՝ ես որոշեցի այս քայլին գնալ...
«Ժողովուրդ». Ինչ գաղափարի շուրջ է ստեղծվում Հայկ Դեմոյանի կուսակցությունը
Արդեն բավականին թվով բարեկամներ, համակիրներ, ընկերներ տեղյակ են իմ նպատակների մասին: Իմ պարագայում դա պարտադրված որոշում է...
Համառոտ պատմական ակնարկ բոլոր նրանց համար, ովքեր անտեղյակ են Շուշիի պատմությանը. Սենոր Հասրաթյան
1916 թվականի տվյալներով Շուշին ուներ 43863 բնակիչ, որից 21926-ը՝ հայեր...
«Հրապարակ». Զորացրված զինծառայողների զինգրքույկներում համատարած «վարորդ» է նշվում, որ չօգտվեն արտոնություններից
Սա հատկապես արվում է, որպեսզի զինվորները, որոնք կարող են ապագայում ուսանող լինել, չօգտվեն ուսման վարձի 100 տոկոս փոխհատուցումից, որի վերաբերյալ կառավարությունը դեկտեմբերին որոշում ընդունեց...
Ամենաշատ