Միջուկային գործարքի պարտավորություններին վերադառնալու համար պետք են ոչ թե բանակցություններ, այլ վճռականություն: Այս մասին, Mehr-ի հաղորդմամբ, հայտարարել է Իրանի նախագահ Հասան Ռոհանին:
Նա նշել է ԳՀՀԾ-ն ստորագրած կողմերի՝ իրենց պարտավորություններին վերադառնալու անհրաժեշտությունը: «Պարտավորություններին մեր վերադարձը ժամանակ չի պահանջում, դա վճռականության հարց է: Մեզ միայն ստորագրություն է պետք, որպեսզի վերադառնանք այնտեղ, որտեղից սկսել ենք»,-ասել է նա:
Թեհրանը կրճատել էր գործարքով իր պարտավորությունները՝ ի պատասխան նրա, որ մյուս կողմերը չեն իրականացրել իրենց պարտավորությունները:
«Մենք միշտ ասել ենք, որ մեր միջոցները դառնալի են: Հնարավոր է, որ կթողարկվի 10 000 ցենտրիֆուգ, եւ մենք հեշտությամբ կկարողանանք այդ ցենտրիֆուգները անջատել մեկ ժամում, եթե ցանկանանք: Երբ 5 + 1-ը (եթե ԱՄՆ-ն վերադառնա) կամ 4 + 1-ը վերադառնան իրենց պարտավորություններին, մենք եւս կվերադառնանք»,-հավելել է Ռոհանին: