Դեկտեմբերին ձյան տեղումը «անակնկալ» դարձավ ինչպես մայրաքաղաքային իշխանությունների, այնպես էլ վարչական շրջանների ղեկավարության համար:
Չնայած ձյունն արդեն մի քանի ժամ տեղում է եւ ուժգնանում, Երեւանի փողոցներում չի նկատվում ձնահավաք տեխնիկա: Ճանապարհները թաց են, սայթաքուն եւ տեղ-տեղ վերածվել են լճերի: Օրինակ՝ Իսակովի պողոտայում ավանդույթի համաձայն լճակ է գոյացել:
Ձյան տեղումը մեծացրել է առավոտյան խցանումների սուր զգացողությունները, հիմա աշխատանքի շտապող քաղաքացիները պետք է ունենան համբերության կրկնակի չափաբաժին:
Համանման խնդիրներ ունի հետիոտնը՝ չի հաջողվի շատ փողոցներ «զեբրի» վրայով անցնել ոտքերը չթրջելով, իսկ այնտեղ հիմա «լճեր» են գոյացած: