Կանադան առաջին անգամ Լուսնի ուղեծիր տիեզերագնաց կուղարկի ամերիկյան առաքելության շրջանակում, որը նախատեսվում է իրականացնել 2023 թվականին, հայտնել է նորարարությունների նախարար Նավդիփ Բեյնսը, հաղորդում է Գոլոս Ամերիկին:
Ավելի վաղ ԱՄՆ փոխնախագահ Մայք Փենսը հայտնել էր 18 մարդուց բաղկացած խմբի կազմը, որոնք կարող են ուղեւորվել դեպի Լուսին ՆԱՍԱ-ի «Արտեմիդա» ծրագրի շրջանակում, որին մասնակցում է նաեւ Կանադան:
«Արտեմիդայի» նպատակը դեպի Լուսին մի քանի արշավախումբ ուղարկելն է:
Կանադացի տիեզերագնացը, որի անունը դեռեւս չեն հայտնում, կմասնակցի երկրորդ արշավախմբին, որը նախատեսվում է կատարել 2023 թվականի Լուսնի շուրջ 10 օրվա ընթացքում:
«Բոլոր հայացքները կուղղվեն դեպի երկինք, երբ մեր տիեզերագնացներից մեկը դառնա առաջին կանադացին, որը կկատարի թռիչք Լուսնի շուրջ»,-հայտարարել է Բեյնսը մամուլի ասուլիսի ժամանակ: