Հունվարի 2-ին Երկրի եւ Արեգակի միջեւ հեռավորությունը կլինի տարվա մեջ նվազագույնը: Դրա պատճառով արեգակնային սկավառակի տեսանելի տրամագիծը կլինի շուրջ 3 տոկոսով ավելի մեծ, քան հուլիսին: Այս մասին հայտնում է Մոսկվայի պլանետարիումի մամուլի ծառայությունը:
«Շաբաթ՝ հունվարի 2-ին, Երկիրը կհայտնվի Արեգակից ամենամոտ հեռավորությամբ, ինչը մեզ թույլ կտա տեսնել 2021 թվականին Արեգակի ամենամեծ սկավառակը: Տեսանելի տրամագիծը կլինի առավելագույնը, ինչի հետեւանքով երկնային լուսատուի սկավառակը 3 տոկոսով ավելի մեծ կերեւա, քան հուլիսի սկզբին, երբ այդ հեռավորությունը առավելագույնն է»,- հստակեցրել են պլանետարիումից:
Այդ օրը Երկրի եւ Արեգակի միջեւ հեռավորությունը կկազմի մոտ 147 մլն կմ: Այդ պահին Երկիրը կգտնվի արեւամերձ կետում՝ իր ուղեծրի Արեգակին ամենամոտ կետում, որը նա անցնում է տարեկան մեկ անգամ: Երկիրն ամենահեռավոր կետը՝ աֆելիան, անցնում է հուլիսի սկզբին՝ հայտնվելով Արեգակից ավելի քան 152 մլն կմ հեռավորությամբ:
Մոլորակը Արեգակի շուրջը ամբողջական պտույտը կատարում է 365 օր 6 ժամ 9 րոպե 10 վայրկյանում: Երկիրն Արեգակի շուրջը պտտվում է էլիպսաձեւ ուղեծրով՝ 29,765 կմ/վրկ միջին արագությամբ: