Չորեքշաբթի օրը բիթքոինի արժեքը հասել է 28 հազար դոլարից փոքր-ինչ բարձր մակարդակի` վերսկսելով «կանաչ» միտումը, վկայում են աճուրդների տվյալները:
Ըստ CoinMarketCap պորտալի, որը հաշվարկներ է կատարում ավելի քան 20 բորսաների միջին գնի հիման վրա, բիթքոինը թանկանում է 6.81 տոկոսով` հասնելով 28 053 ԱՄՆ դոլարի, իսկ կրիպտոարժույթի ամենախոշոր Binance բորսայում` 5.92 տոկոսով` հասնելով 28.025 դոլարի:
Բիթքոինին բաժին է ընկնում կրիպտոարժույթի համաշխարհային շուկայի 69 տոկոսը:
Բիթքոինի գինը կտրուկ սկսեց աճել ամսվա երկրորդ կեսին: Դեկտեմբերի 16-ին կրիպտոարժույթի գինը գերազանցեց իր բոլոր ժամանակների ամենաբարձր ցուցանիշը` 20.042 դոլարը, որը պահպանվում էր 2017 թվականից, եւ այդ ժամանակվանից շարունակում է ռեկորդներ գրանցել: Իսկ կիրակի բիթքոինի գինը գերազանցել է 28.000 դոլար` բոլոր ժամանակների նոր ռեկորդ սահմանելով` 28.395 դոլար, ինչից հետո սկսել է փոքր-ինչ շտկվել:
