Երեքշաբթի YouTube տեսահոսթինգի ղեկավարությունը ԱՄՆ գործող նախագահ Դոնալդ Թրամփի պաշտոնական հաշվից հեռացրել է վերջին տեսանյութը եւ 7 օրով կասեցրել տեսահոլովակներ հրապարակելու եւ հեռարձակումներ կատարելու հնարավորությունը: Այս մասին հայտնել է Axios պորտալը՝ վկայակոչելով հոսթինգի հայտարարությունը:
«Մանրակրկիտ ստուգումից հետո եւ բռնության առաջացման մշտապես գոյություն ունեցող հավանականության կապակցությամբ մտավախությունների լույսի ներքո մենք հեռացրել ենք նոր կոնտենտը, որ ներբեռնվել էր Դոնալդ Թրամփի ալիքում, եւ նախազգուշացում ենք թողարկել կապված կոնտենտի վերաբերյալ, որը պարունակում է բռնության հրահրում, մեր քաղաքականության խախտման հետ,- պորտալը մեջբերում է YouTube-ի հայտարարությունը: - Արդյունքում՝ նախազգուշացումների մեր վաղեմի համակարգի համաձայն հիմա ալիքը չի կարող նոր տեսանյութ բեռնել կամ ուղիղ հեռարձակումներ կատարել նվազագույնը 7 օր, որը կարող է երկարաձգվել»:
Axios-ը նշում է, որ տեսահոսթինգը կասեցրել է նաեւ ամերիկյան առաջնորդի ալիքում մնացած տեսանյութերը մեկնաբանելու հնարավորությունը՝ վկայակոչելով բռնության սադրանքի հնարավոր վտանգը:
Ավելի վաղ Twitter ընկերությունը հայտարարել էր, որ մշտական հիմունքով փակել է Թրամփի անձնական հաշվին հասանելիությունը՝ նրա կողմից կանոնների խախտման պատճառով, ինչպես նաեւ կապված մտավախությունների հետ, որ նա կարող է անկարգությունների հրահրման փորձ կատարել: Նրան մինչեւ լիազորությունների ավարտը գրելու հնարավորությունից զրկել են նաեւ Facebook-ն ու Instagram-ը: Դրանից բացի, Apple ընկերությունը ժամանակվորապես իր բջջային հավելվածների App Store խանութից հանել է Parler միկրոբլոգների ծառայությունը, որը տարածված է ԱՄՆ գործող նախագահի կողմնակիցների շրջանում:
