Պատերազմից հետո մտածում էի՝ Դատախազությունն ու ՀՔԾ-ն գոնե այնքան բարոյականություն կունենան, ասեն՝ Քոչարյանի եւ մյուսների դատական գործը կկարճեն: Այս մասին 168.am-ի «Պրեսսինգ» հաղորդման ժամանակ ասել է «Այլընտրանքային նախագծեր» խմբի անդամ, քաղաքագետ Գեղամ Նազարյանը։
«Պատերազմից հետո մտածում էի՝ Դատախազությունն ու ՀՔԾ-ն գոնե այնքան բարոյականություն կունենան, ասեն՝ Քոչարյանի եւ մյուսների դատական գործը կարճեք, ամոթ ա։ Ես ուզում եմ մեղադրող դատախազ Գևորգ Բաղդասարյանին ասել՝ երիտասարդ տղա ես, դու ո՞նց ես կարողանում գալ նայել Սեյրան Օհանյանի աչքերին, որին էլի վերջին պահին խնդրեցին փրկել իրավիճակը, ո՞նց ես կարողանում Քոչարյանի աչքերին նայել ու ինչ-որ անհեթեթ մեղադրանք ներկայացնել։ Լավ, Նիկոլը այսքանից հետո քեզ դեռ կարողանո՞ւմ է հրահանգներ տալ։ Դանիբեկյան Աննա, մենք իրար հետ նույն երկրում ապրելու ենք, դու ո՞նց ես կարողանում, թուղթը խփիր սեղանին, ասա՝ դուրս եկեք, հերիքա, ես չեմ դատելու այս մարդկանց։ Մի օր կարողանալո՞ւ եք դա անել, թե՞ չէ։ Լավ, այսքանից հետո էլի՞ կասկածներ կան, որ գործ ունենք ադրբեջանաթուրքական գործակալների հետ, որոնք թափանցել են մեր ամբողջ համակարգի մեջ»,- ասել է նա։
