Լեռնային Ղարաբաղի Հանրապետության Սահմանադրության մեջ ամրագրված է, որ ԼՂՀ շուրջ 7 շրջանները հանրապետության անբաժանելի մասն են, որ դա վերանայման ենթակա չէ: Այս մասին փետրվարի 17-ին Ազգային ժողովում լրագրողների հետ զրույցում ասաց «Լուսավոր Հայաստան» կուսակցության եւ նրա խորհրդարանական խմբակցության ղեկավար Էդմոն Մարուքյանը:
Խորհրդարանականի խոսքով՝ այս փոփոխությունները նախաձեռնել է Հայաստանի Սահմանադրական դատարանի նախկին նախագահ Հրայր Թովմասյանը: «Փոփոխությունները նախաձեռնվել էին Հայաստանի այդ ժամանակվա իշխանությունների մեծ մասնակցությամբ եւ օժանդակությամբ»,- նշեց Մարուքյանը:
Պատգամավորը նաեւ նշեց, որ մարդկանց համառորեն ասում էին, որ այս տարածքները պատկանում են իրենց, բայց դրա հետ մեկտեղ բանակցություններ էին վարվում դրանք Ադրբեջանին փոխանցելու շուրջ: