![](img/news/63/02/13/default.jpg)
Մի քանի հարյուր մարդ է հավաքվել Թբիլիսիի կենտրոնում կառավարության շենքի դիմաց՝ ի նշան բողոքի ընդդիմադիր Նիկա Մելիայի ձերբակալության, հաղորդում է Սպուտնիկ Գրուզիան:
Վրաստանի ամենախոշոր ընդդիմադիր «Միասնական ազգային շարժում» կուսակցության առաջնորդ Նիկա Մելիային ձերբակալել են երեքշաբթի առավոտյան հատուկ գործողությունների ժամանակ:
Դրանից անմիջապես հետո ընդդիմադիր առաջնորդները բոլորին կոչ են արել բողոքի ակցիայի դուս գալ:
Նախնական տվյալներով՝ ակցիայի ժամանակ կհայտարարվի ընդդիմության հետագա ծրագրերի մասին:
Շենքի տարածքը շրջափակված է: Ոստիկանների մասը գտնվում է շենքի բակում:
Առաջնորդների մեծ մասը գտնվում է «Միասնական ազգային շարժում» կուսակցության գրասենյակում, որտեղ անցկացվում են վերջին խորհրդակցությունները: